WiLdBiRd
Sunday, October 18, 2015
بناءً على رغبته
يقرأ اشعارى
يبحث بين الكلمات
يسالنى
اين انا
من تلك الهمسات
يعبر بحر الشعر
يطوف الابيات
ويعود كطفل ملحاح
يتشبث بى
وانا تهرب منى الكلمات
الوقت يمر
ويجف الحبر
ويتبخر
وتذوب الاوراق
واظل امامه واقفة
لا احصوا معه الايام
وارد اخيرا ذاهلة
طفت الازمان بمخيلة
اوسع من كل الازمان
ووقفت بقربك مغرمة
ناسية كل الكلمات
وانعقد لسانى لم يفصح
فى حبك غير فتات
يامن استمع اليه بلهفة
وتحدثنى عيناه
الشعر فى مدمار هواك
هراء والكلم شتات
يبحث بين الكلمات
يسالنى
اين انا
من تلك الهمسات
يعبر بحر الشعر
يطوف الابيات
ويعود كطفل ملحاح
يتشبث بى
وانا تهرب منى الكلمات
الوقت يمر
ويجف الحبر
ويتبخر
وتذوب الاوراق
واظل امامه واقفة
لا احصوا معه الايام
وارد اخيرا ذاهلة
طفت الازمان بمخيلة
اوسع من كل الازمان
ووقفت بقربك مغرمة
ناسية كل الكلمات
وانعقد لسانى لم يفصح
فى حبك غير فتات
يامن استمع اليه بلهفة
وتحدثنى عيناه
الشعر فى مدمار هواك
هراء والكلم شتات
واكتشفت ان المدونة لسه عايشة وفيها الروح
Friday, February 6, 2009
الحب فى عينيك
الحب فى عينيك
حزين كأوراق الخريف من الشجر
يتيم طفل بلا مأوى من البشر
تائه ضل طريقه بين الدروب
صامت كسر محير فى القلوب
تائه ضل طريقه بين الدروب
صامت كسر محير فى القلوب
الحب فى عينيك
سماء ملبدة بالغيوم
شكاك ملئ بالظنون
محير كحب المراهقين
عاقل كحب فى الثلاثين
الحب فى عينيك
فنجان قهوة لاذع بدون سكر
ريشة رسام بدون الوان
فيثارة عازف بلا وتر
الحب فى عينيك
حديقة غناء
صحراء جرداء
دموع وشجن
نجوم وقمر
الحب فى عينيك
أمل بلا أمل
Saturday, December 27, 2008
غنوة
البداية هى غنوة
والنهاية برضه غنوة
دمعة نزلت من حنين
تحكى انا مشتاقين
للنهار اللى جمعنا
ضحكة لمعت ليها عين
وابتسم ليها وجعنا
كل ده فى احساسل لغنوة
حتى أصوتنا اللى مالها فى الغنا
يوم نجمع بعضنا ونغنى غنوة
يضحك القلب الحزين
ينسى همه مع السنين
يفتكر كل الاغانى اللى سمعها
واللى عاشها
واللى كان ليها معا احلى ذكرى
غنوة حلوة قربتنا
غنوة تانية حيرتنا
غنوة بكتنا وغنوة فرحتنا
غنوة شوفنا فيها روحنا
واحدة نسيتنا جروحنا
غنوة يمكن مالها معنى
بس برضه ونستنا
غنوة وياها رجعنا
ننسى بيها اللى وجعنا
نفتكر ايام دلعنا
لما كنا صغيرين
غنوة صادقة بصوت حنون
عزفها كان ع القانون
غنوة وياها الجنون
بس مانستهاش فى يوم
اصل كان ليها حكاية
بدايتها هى غنوة
ونهايتها برضه غنوة
والنهاية برضه غنوة
دمعة نزلت من حنين
تحكى انا مشتاقين
للنهار اللى جمعنا
ضحكة لمعت ليها عين
وابتسم ليها وجعنا
كل ده فى احساسل لغنوة
حتى أصوتنا اللى مالها فى الغنا
يوم نجمع بعضنا ونغنى غنوة
يضحك القلب الحزين
ينسى همه مع السنين
يفتكر كل الاغانى اللى سمعها
واللى عاشها
واللى كان ليها معا احلى ذكرى
غنوة حلوة قربتنا
غنوة تانية حيرتنا
غنوة بكتنا وغنوة فرحتنا
غنوة شوفنا فيها روحنا
واحدة نسيتنا جروحنا
غنوة يمكن مالها معنى
بس برضه ونستنا
غنوة وياها رجعنا
ننسى بيها اللى وجعنا
نفتكر ايام دلعنا
لما كنا صغيرين
غنوة صادقة بصوت حنون
عزفها كان ع القانون
غنوة وياها الجنون
بس مانستهاش فى يوم
اصل كان ليها حكاية
بدايتها هى غنوة
ونهايتها برضه غنوة
Tuesday, December 9, 2008
الخروف بيقول اية؟
الاول كل سنة وانتم طيبين
ويارب تكونوا كلكم مبسوطين
اما طلبة الطب المطحونين
فمن بكرة للمذاكرة راجعين
ماتخدوش فى بالكم
ادعوا لنا بس
.
.
وبمناسبة العيد
.سألنا بنت خالتى الصغيرة
الخروف بيقول اية يارورو؟
بيقول خااااااااء
وده طبعا لانها لسه فى الحضانة
وبتتعلم الحروف
خاء ...خروف
الاطفال دول حاجة مش ممكن
فى ثوانى يخلوك تنسى اى حاجة فى الدنيا
وثوانى تانية يخلوك عاوز تنساهم
:)
يلا عيد سعيد عليكم
Wednesday, October 22, 2008
ليالى الشتاء
همست لمدرسة العلوم فى احدى الحصص
بانى اشم رائحة المطر
بالطبع ضحكت فقد اعتقدت انى اريد ان نخرج باكرا من المدرسة
والتفتت لى قائلة وهل له رائحة؟
اخذت نفسا عميقا وملئت رئتاى بالهواء
واجبت بنعم
حقا لا اعرف الان هل له رائحة مميزة
ام تلك الرائحة كانت من خيالى
ولكن كل مااعرفه انى دوما
احببت فصل الشتاء
وعشقت لحظات المطر
حتى ولو كان الثمن
بضع ايام قد اقضيها ملازمة الفراش
من أثر تلك اللحظات الطفولية
...
ذكرياتى مع فصل الشتاء وايامه الممطرة كثيرة
قد اسرد بقيتها فى يوم ما
اما تلك فكلمات كتبت فى يوم ما
........
ليالى الشتاء
هى أنشودة قلبى
هى عشقى الطفولى
والابدى
وكل ماشاء
رائحة الكبرياء
عبق السماء
قد اهرب من عواصفها القاسية
قد امدح شمسها الحانية
ولكن لابد ان انال نصيبى من قطراتها
فلا يمل عقلى من ذكرها
هى وحدتى المكبرة
انشودتى المصغرة
هى كل مابقى لى
من قسوتك
من رقتك
وعندما تملء غيومها الفضاء
اجرى كطفلة واعبر الفناء
لاغدو تحت قطراتها وروعة الوفاء
لاشهد حنين الارض للسماء
وروعة التقاء قطراتها الملساء
لتغسل الوجوه والبيوت والبسطاء
وتبعث البرد ونشوة البقاء
لتسقط فوق الغنى والفقير والضعفاء
العد التنازلى
بالعد التنازلى البطئ
بدات نهاية السنة النهائية
باول امتحان
وعلشان اول امتحان
فلازم يبقى خنيق وسخيف وعجيب
هو الامتحان عادى
لا مانع من كام سؤال غريب كده
بس شكلنا احنا اللى زهقنا من الامتحانات وسيرتها
بس هنعمل اية
لازم نكافح ونناضل ونثابر
علشان نحصل على حريتنا
ماهى مافيش حاجة بالساهل فى الدنيا دى
ولازم يبقى الوداع الجمهورى من الكلية
له رنة
امل نفتكرهم ازاى
بالخير طبعا
Tuesday, October 21, 2008
بجد متشكرة
بجد متشكرة ليكم على السؤال
وبعتذر عن عدم الرد على الكومنتات
بس ياريت تعذرونى
فعلا ماكنتش قادرة
اقولكم
.
.
ادعولى
..
ارجع اكتب
هحاول مش ابعد كده
.
لانى حاسة انى بفقد قدرتى
حتى على الفضفضة
حتى انى كتبت الموضوع
ده اكتر من خمس مرات على مانزلته
.
.
اقولكم بداية كويسة
:)
أنا هبدا من اول ماوقفت
هارد على الكومنتات الاخيرة
.
.
واتمنى تبقى بداية جديدة
Friday, June 6, 2008
دائما معا
كنا دائما معا ومازلنا
نتشارك لحظات الحزن
قبل لحظات الفرح
مذ عرفنا بعضنا
اتفقنا على الا نفترق
والا نبتعد
وان اختلفنا
فلتجمعنا المحبة
وان افترقنا
فلتجمعنا الذكرى
ومازلت اذكرك وتذكرينى ياصديقتى
تذكريننى بكل الخير
واذكرك بكل معانى الوفاء
بكل حروف الصفاء
بكل اشكال الابتسام
ولكن اين هى الان
ابتسامتك التى غاب بريقها عنى
بل غاب عن الدنيا
اصبحت ابتسامة حزينة
ابتسامة امرأة فى الثلاثين من عمرها
اجهدها الالم
واتعبها الفراق
اجدك ثابتة كما لم اعهدك من قبل
فكم كنتى مدللة
ولكنه الحزن وحده
يثقل كاهلنا
ويضيف الى ملامحنا اعواما عديدة
خشيت عليك الانهيار
فحمد لله انك خيبتى ظنى
وها هى الدنيا وهذا حالنا
فلتداوى جراحك يامحبوبتى
فمازلت دائما معك
اشاركك كل لحظات الحزن
قبل لحظات الفرح
Thursday, May 1, 2008
عندما كنت طفلة
حاولت ان اكون أكبر
فكانت مفارقات لذيذة
وعندما كبرت
حاولت ان اعود للطفولة
فكانت لحظات فاشلة
Wednesday, April 30, 2008
عودة قلب
اتعلمت ياقلبى تدوب فى الزحمة
وفى عز الزحمة عرفت ازاى تبقى وحيد
اتعلم ماتخافش الضلمة
دى كل مازادت طالع فجر جديد
صالح أيامك
وأحضن أحلامك
وأدفن بإيديك كل آلامك
واجه كل شكوك
وأغلب أوقات خوفك
اسمع كل قريب
تعرف تهزم ضعفك؟
طيب جرب تعرف فرحك
عارفة ان انت عنيد
عارف ان انت سامعنى
وعارفنى
ونابض تانى اكيد
مهما الدمعة تخونك
اوعى الحزن يغير لونك
ولا تنسى البسمة عيونك
Saturday, April 19, 2008
Eye contact
حضرت ندوات ودورات تدريبية عن ازاى تكون
محاضر
او انك تقدم بريزينتيشن
presentation
ومهم جدا انك تعرف تعمل تواصل بصرى
او
eye contact
وبلاقى انى عامة بتقابلنى المشكلة دى
مش فى تقديم البريزينتاشن بوجه خاصة
لكن فى التعاملات بوجه عام
والمشكلة دى هى
انى اكلم حد لابس لينسس
طبعا الملونة مش الشفافة
عادة بفقدى تركيزى او مش بعرف اتكلم كويس
وبتجنب الآى كوناكت خالص
واوقات اعتذر للى بتكلمنى عن طريقتى معاها
بس مش عارفة اتاقلم مع الوضع
مش عارفة ده علشان انا درست رمد وعارفة بقى تفاصيل العين كويس
ولا دى حاجة معايا انى لازم اشوف عينين اللى بيكلمنى كويس
ولا العدسات بتشتت انتباهى ومش بركز فى الكلام
فبحاول اتجنب النظر مباشرة لها
تفتكروا حد عنده حل للمشكلة دى
او حد بيشاركنى نفس المشكلة؟
Tuesday, April 1, 2008
كدبة إبريل
مين بقى صاحب الكدبة
وإزاى احنا نفكر نكدب لمجرد ان طقس اول يوم فى إبريل
كانت اية ديانته ولا من غير ديانة
اللى ابتكر وطبعا ابتكر دى غلط
اللى ابتدع الموضوع ده
لان الرسالات السماوية مش هاتدعو لحاجة زى كده
هو تقريبا واحد كان زهقان من كتر الصدق
فحب يغير
او يشوف الكدب ده شكله اية
فى اخترع الموضة دى
اعتقد لو ده السبب
فكدبت ابريل
فقدت بهجتها لو كان ده الغرض منها
فحياتنا بقت مجموعة من كذبات ابريل وسبتمر ويناير
فكذبة اخرى ليس لها معنى بجانب كل تلك الاكاذيب
Wednesday, March 19, 2008
محمد(صلى الله عليه وسلم
قائد البشرية ومعلمها
وسيد الخلق وأفضلهم قدرأ
نتذكرك يوم مولدك باتباع سنتك
بالالتزام بما علمتنا
ليس بالكلام
ولا الاحتفالات
فقط
فاين نحن فى هذا اليوم من باقى العام
.
.
.
أعدك يارسول الله أن يأتى العام القادم
وأنا أفضل
وأنا اتذكرك اكثر
وأنا أحبك أكثر
اللهم صلى على سيدنا محمد وعلى آل سيدنا محمد
كما صليت على سيدنا ابراهيم وعلى آل سيدنا ابراهيم
وبارك على سيدنا محمد وعلى آل سيدنا محمد
كما باركت على سيدنا ابراهيم وعلى آل سيدنا ابراهيم
Saturday, February 23, 2008
كثيرا
كثيرا مايكون الصمت ابلغ من الكلام
حينما نفضل وحدتنا على مزيد من الالام
عندما تصبح علاقتنا مع العزلة برغم الكره انسجام
عن تراضى اختار كل منا الاخر بغير وئام
فعذرا ان كنت لن اتحدث كثيرا ولاانوى ان اناقش
فانا لا اريد غير ان اغمض عيناى قليلا لاهجر الاحلام
ولن أرى مناما او حلم بعدها يستدعى الكلام
فلقد رضيت من دنيتى انفاسا معدودة والسلام
فأنا أبكى اليوم عمرا مر كلحظة أمامى كشريط الأفلام
لم يعد لى منه غير ذكرى طريق وصديق ومجموعة من الاقلام
وهى الاخرى باعتنى فى لحظة
لا لا شئ غير أنى قررت فى لحظةأن امتنع عن الكتابة والكلام
حينما نفضل وحدتنا على مزيد من الالام
عندما تصبح علاقتنا مع العزلة برغم الكره انسجام
عن تراضى اختار كل منا الاخر بغير وئام
فعذرا ان كنت لن اتحدث كثيرا ولاانوى ان اناقش
فانا لا اريد غير ان اغمض عيناى قليلا لاهجر الاحلام
ولن أرى مناما او حلم بعدها يستدعى الكلام
فلقد رضيت من دنيتى انفاسا معدودة والسلام
فأنا أبكى اليوم عمرا مر كلحظة أمامى كشريط الأفلام
لم يعد لى منه غير ذكرى طريق وصديق ومجموعة من الاقلام
وهى الاخرى باعتنى فى لحظة
لا لا شئ غير أنى قررت فى لحظةأن امتنع عن الكتابة والكلام
Tuesday, February 12, 2008
.....
اوقات من كتر مابنتكلم
بيجى لنا وقت
نبقى عاوزين نقول كفاية
نسكت شوية
نقف شوية نفكر فيها مع نفسنا
ولانى من فترة كبيرة مش بضيف جديد للدونة
بالرغم انى فيه مواضيع كتير فى دماغى
وعلى الدرافت
بس كلها مواضيع غير مكتملة
فانا هاوقف
لاجل غير معلوم
او لما ترجع لى الحماسة اللى كنت بكتب بيها فى البداية
يارب لما ارجع تانى
اكون احسن من الاول
وتكون انتوا كمان بخير
Monday, February 4, 2008
المنتخب المصرى
قبل مااقول اى حاجة
مبروووك للمنتخب المصرى
وكل اللى بيشجع
اه انا مش عاوزة ضرب من اولها
قولت كمان اخلى العنوان متعادل كده
غريبة اوى
حتى
البنات متابعين الكرة المصرية
والمنتخب المصرى
ومباريات غانا
مش عارفة بصراحة ده كاس افريقيا
ولا كاس حاجة تانية
المهم
هو ده نابع من انتماءنا للبلد
وان ده رمز لمصر
نفس الصورة اللى اتشجع بيها محمد عطية ونجح
بس علشان الاسم مصرى
مع فرق التشبيه طبعا
يعنى بقينا بنتشبث فى أى حاجة وخلاص
ولافعلا ده نجاح
طبعا انا ذكرت البنات
لان الشباب بطبيعتهم ممكن بيمارسوها
زيها زى اى رياضة
لكن البنات هما اللى بحاول افهم منهم وجهة النظر
*****
اقولكم حاجة كمان
الناس بتقول اننا بندور على حاجة تفرحنا
حاجة نحسها فعلا من قلبنا
بما ان البلد مابقاش فيها حاجة تفرح
*****
طبعا اللون الاحمر هو شعار المرحلة دى
هاخد بالى بقى لما اخرج علشان بتشبه انى اتفرجت على الماتش
:)
Wednesday, January 23, 2008
لك الله ياغزة
Friday, January 18, 2008
عارفة اتاخرت عليكم كتير اوى اوى اوى
و حتى اتاخرت عن الرد على اخر تعليقات
معلش اتشغلت شوية
وجالى بعدها بعيد الشر عليكم
الكسل
وانا لما بيجيلى الكسل
لازم يفضل مشرفنى شوية
بس تشتحقوا باقة الورد دى
بيقول الازرق لون الاعتذار
بعتذر عن التاخير
:)
Friday, December 14, 2007
أيام مباركة
أيام مباركة
ونفحات عطرة
العشر الاوائل من ذى الحجة
نفعنا الله واياكم بها
وتقبلها منا خالصة لوجهه عز وجل
وكل عام وانتم اليه اقرب وعلى طاعته أدوم
باقتراب عيد الاضحى المبارك
أعادهم الله علينا وإياكم بالخير
واليمن والبركات
ونفحات عطرة
العشر الاوائل من ذى الحجة
نفعنا الله واياكم بها
وتقبلها منا خالصة لوجهه عز وجل
وكل عام وانتم اليه اقرب وعلى طاعته أدوم
باقتراب عيد الاضحى المبارك
أعادهم الله علينا وإياكم بالخير
واليمن والبركات
Thursday, November 22, 2007
الروابط التى تجمعنا
هل الروابط اللى بتجمعنا لما نلاقى نفسنا
متشابهين مع بعض اوى
محض الصدفة
ولا بيخلقها عقلنا علشان نثبت اننا زى بعض
فى حاجة
اى حاجة والسلام
اوقات تكلم حد يقولك
انا مش لاقى حد زى
مش عارف اصاحب حد
مش عارف اتاقلم مع الناس
يعنى هو اللى خلقك ماخلقش زيك؟
فى قاعدة عندى بتقول
مدام انت موجود فى مكان
يبقى اكيد فى ناس زيك موجودين
هل لما يجمعنا الاتفاق يبقى احسن
ولا لما يجمعنا الاختلاف
زى اقطاب المغناطيس المختلفة تتجاذب
والمتشابهة تتنافر
ولا العلاقة اية
حتى فى الجواز
الاحسن انهم يكملوا بعض
يعنى هو هادى
وهى مجنونة
ولا يبقوا شبه بعض
ولا يمكن يزهقوا
.......
ايوة اسئلة كتير بتطرح قدامنا كل يوم
سواء فى علاقات الصداقة
او الارتباط
وكل واحد بيحاول يوضح لك ان وجهة نظره صح
Sunday, November 18, 2007
بلدى
على طرف لسانى انده عليكى
المس ايديكى
بيقولوا انك خلاص ناسيانا
وقال انك ماشية وسايبانا
قولت استنوا انده عليها
امسك ايديها
لسه يامصر مدية ضهرك لينا
ولا خلاص مش سامعة صوت خطاوينا
سامعة صراخ ولادك فى عرض البحر
ولا بكانا على حالنا فى عز الضهر
يمكن يابلدى الحمل منا تقيل
لا ده اكيد ولا يكفيه المواويل
برضه انتى لسه مش سمعانى
وسمعت صوتك..ده صوتك بكاكى
جه على بالى ان الكلام منى وجع
وان الجراح فتحت وانك بتبكى الجدع
لكن التفت وشوفت الدمع فى عنيكى
قام وقتها ادركت بس
لبس الحداد بدل العلم
اسود وشاح وابيض كفن
Wednesday, November 14, 2007
غلاسة
كنت هكتب توبيك غير لذيذ بالمرةوقررت تغيره
وبعدين رجعت فكلامى تانى
انتوا عارفين انى مااقدرش احرمكم منى
قولتلكم من الاول غلاسة
واغلس حاجة فيها
انك لما تتكيف انك تغلس على نفسك
يعنى لما تحاول تغلس على الناس الكويسين اللى بيسالوا عليك
بس معلش نصيبكم كده
طبعا اللى هيجى ناحية المدونة دلوقتى
وزهقان مايكملش الكلمتين
او يحاول مايخدش فى باله ان انا اللى كاتبه
علشان ماحدش ياخد عنى فكرة وحشة
اوقات الواحد بيقابل حاجات سخيفة
فبتبقى نفسه مسدودة
بالذات لو اتكلم عنها والكلام مانفعش
يبقى الافضل مانتكلمش
بس نخرج ده فى اى حاجة
طاقة مكبوتة بقى تقولوا اية
والمدونة مستحملانى
وانتوا مستحملين
كتير خيركم
بجد
تصبحوا على يوم تانى احسن من اليوم ال....ده
كفاية
يللا
سلام
Monday, November 12, 2007
خيوط العنكبوت
هناك من يعيشون حياة خياليةلايربطها بالواقع
الا كما يقام بيت العنكبوت
يفيقون على الحقيقة
فقط
عندما تتهالك تلك الخيوط
ليدركوا الحقيقة الكاملة
وذلك قبل عودة العنكبوت
لينسج اوهاما جديدة
Friday, November 9, 2007
القطة البرية
هما ليه بيعملوا كده؟
كانت تلك كلماتها لى
فى تساؤل طفولى برئ
بالرغم انها تقاربى فى السن
الا انها مازلت لا تدرك الكثير
تعتقد انها صلبة
وتدعى انها قطة برية
ولكنها ليست الا زهرة بريئة
فى مهب الريح
بسيطة بحيث لاتدرك المخاطر
بحيث لا تعرف الالام
تحزن فاخاف عليها من الذبول
احب مداعبة الريح لوجهها
ولكنها تلك ليست ريح خير
انها ريح الغدر
ماجعلك تبكين اليوم
لارى تلك القطرات البراقة
تنساب على خدك
هو ماجعلنى احاول ان احدثك بصراحة
ليست الدنيا دائما كمان نتصور
وليست الريح دائما كما نعتقد
كانت تلك كلماتها لى
فى تساؤل طفولى برئ
بالرغم انها تقاربى فى السن
الا انها مازلت لا تدرك الكثير
تعتقد انها صلبة
وتدعى انها قطة برية
ولكنها ليست الا زهرة بريئة
فى مهب الريح
بسيطة بحيث لاتدرك المخاطر
بحيث لا تعرف الالام
تحزن فاخاف عليها من الذبول
احب مداعبة الريح لوجهها
ولكنها تلك ليست ريح خير
انها ريح الغدر
ماجعلك تبكين اليوم
لارى تلك القطرات البراقة
تنساب على خدك
هو ماجعلنى احاول ان احدثك بصراحة
ليست الدنيا دائما كمان نتصور
وليست الريح دائما كما نعتقد
Monday, October 29, 2007
اتخطبت
لا مش انا
دى من اعز اعز صحباتى
ربنا يكرمك حبيبتى
دى الاولى فى جروبنا
يلا ياكاسبر لحقناكم
بس تصدقوا الموضوع بقى بجد
مش هزار يعنى
وبرغم انى كنت بعتب عليها القلق
الا اننا جميعا شكلنا بنبدا مراحل جديدة
بدأت من اول حقيقة ان دى اخر سنة فى الكلية
ودى لها موضوع تانى
Wednesday, October 24, 2007
NHD
عارفة اننا هنفضل صحابوهنفضل دايما قريبين
مهما بعدتنا المسافات
او فرقت بينا السنين
ان اللى بينا حبيبتى فوق كل القيود
واللى زمان جمعنا لازم يوم يعود
انت اللى قولتى كتير
بان القلب واحد
انت اللى شجعتينى
وكنت ليا نجم ساطع
ياما اتخانقنا كتير
ياما بكينا كتير
يمكن فى نفس الوقت
واختلطت دموعنا
واما فهمنا الحب
ضحكت ليه قلوبنا
لما شاغبنا يوم..او لعبنا
لما عاندنا وبالهنا لمعت عيونا
دلوقتى جيتى ودموع غريبة مالية عينك
قولتى هروح من تانى وانا على الوعد
هارجع فى يوم
ونكون من جديد
مع بعض
ضحكت لك ياحبيبتى
مانا عارفاكى
صادقة اكيد
فى الكلمة والاحساس
ضحكت وانا عارفة انى هى دى البداية
بداية البعد مش النهاية
عارفة ان هى الدنيا كده
لما تقربنا اوى من بعض
لازم فى يوم
تنفينا تانى فى بعد
....................
عارفة ان دى بداية الرحلة مش نهايتها
يمكن نتقابل فى النص او فى النهاية
بس بجد مش هنساكى
Friday, October 19, 2007
عصفورى وحيد
من جديد
عاد عصفورى الشريد
عاد للعش وحيد
يرفض الالحان
لا يتلو النشيد
من جديد
يرفض الحب
يتناسى التغريد
لايريد سماع صوتى
كلما حاولت اقناعه
ان يعيش اليوم عيد
يلقى باللوم عليا
فى ضياع صديقه
يهرب من بين يدى
ويختفى عنى بعيد
ولكنى لن أمل
سأعاود الحديث معه
مرة وأخرى
وأخرى
من جديد
Wednesday, October 10, 2007
لسه بدرى ياشهر الصيام
فعلا لسه بدرى
مستغربة ازاى ناس مستعجلة ان الشهر يخلص
اه واحنا اطفال كنا بنبقى فرحانين ان العيد هيجى
على اعتقاد ان العيد ده برضه شخص
زى ماكنا بنفتكر رمضان شخص برضه
وكنا لما نشوف حد فى عمرنا فاطر واحنا صغيرين
نقوله رمضان هيضربك
على اعتقاد ان رمضان ده شخص وله روح
لما كبرت فهمت انه فعلا له روح
احلى روح بتحمعنا على الفطار
وبتزرع الرحمة فى قلوبنا
بتخلينا مش عارفين نستطعم الاكل فيه
واحنا حاسين ان فيه حد مش عنده
حتى القليل يفطر عليه
احلى روح يارمضان
جمعتنا وقربتنا
ولمتنا فى مكان واحد
ووقت واحد
بنفس الاذان والدعاء
وان اختلفت اللهجات
والله
بعودة يارمضان
Thursday, October 4, 2007
عندما كنت طفلة
كنت أخشى الظلمة
وبالفضول اقتحمتها
مع الوقت اصبحت اكبر
قد اكون انضج
ولكن وجدت ظلمة اخرى
الوحدة التى كثيرا ماتشبه حجرتى تلك
بنافذتها الواحدة
التى لاتدخلها الشمس
قد يمر من امام نافذتى الكثير
من البشر
فقط يمرون
بدون حتى القاء السلام
عذرهم انهم لا يروننى
ولكن لا عذر لى لانى اراهم
Sunday, September 30, 2007
Check out my Slide Show!
Saturday, September 22, 2007
عندما نحب الحياة
عندما نحب الحياة
نتظاهر بأنا سعداء
بأنا حقا نود البقاء
تخبرنا مرارا
الا مكان للضعفاء
وليس علينا الا الاصغاء
تجعلنا نتقن فنون الاختفاء
تسرق أحلام الصفاء
وتبدلها بمجرد أشياء
تصبح حدائقنا الغناء
مع مرور الوقت صحراء
تنسينا اوقاتا كانت مع الاصدقاء
وتجعل من الوحدة رداء
تشغل عقلنا بالاعداء
وتلهينا عن روعة المساء
ولكن فى النهاية
تبقى الحياة حياة
والبقاء بقاء
Thursday, September 13, 2007
.......
الموضوع كده بقى اية
تلات بوستات فى اقل من تلات ايام
طبعا حاجة مدهشة
بس الحاجة الاجمل اللى نويت احتفل بيها
هى عيد ميلادى
بالهجرى
اصله يوم برضه مهم
29 شعبان
يعنى كان امبارح
يبقى فى الاخر يعنى ميزو اكبر منى بيوم
;)
تلات بوستات فى اقل من تلات ايام
طبعا حاجة مدهشة
بس الحاجة الاجمل اللى نويت احتفل بيها
هى عيد ميلادى
بالهجرى
اصله يوم برضه مهم
29 شعبان
يعنى كان امبارح
يبقى فى الاخر يعنى ميزو اكبر منى بيوم
;)
رمضان كريم
كل سنة وانتم طيبين
يارب يجعله احسن وافضل رمضان
عدى علينا
ربنا يرزقنا جميعا الاخلاص
وصالح الاعمال
وافضلها
ويبعد عنا شياطين الانس والجن
والنفس الامارة بالسوء
يارب يجعله احسن وافضل رمضان
عدى علينا
ربنا يرزقنا جميعا الاخلاص
وصالح الاعمال
وافضلها
ويبعد عنا شياطين الانس والجن
والنفس الامارة بالسوء
Tuesday, September 11, 2007
BaBy
الخبر ده ملوش اى علاقة
من قريب او بعيد بالمادة اللى اسمها اطفال
ده احلى خبر ممكن حد يسمعه فى وقت زى ده
عندنا بيبى فى العيلة
لا وكمان اسمه مازن
يااختى كميلة
انا هابقى اجيبلكم صوره بقى
انا لسه لغاية دلوقتى ماشوفتوش
هاستنى بقى بكرة
وابقى احكي لكم
بس خايفة ارجع اطبق عليه اللى ذاكرته
:)
الطبع يغلب التطبع
****
انا جيت
وجبت الصورة
اه نسيت اقولكم اية العلاقة الوثيقة بينى وبين القمر اللى فوق
انا اكبر حفيدة فى العيلة
والاستاذ اللى لسه عمره يوم ده
اصغر حفيد
يعنى الفرق صعب شوية
22 سنة وشوية
كل سنة وانت طيب
بمناسبة انك بقى عندك يومين
يا ميزووووووو
:)
من قريب او بعيد بالمادة اللى اسمها اطفال
ده احلى خبر ممكن حد يسمعه فى وقت زى ده
عندنا بيبى فى العيلة
لا وكمان اسمه مازن
يااختى كميلة
انا هابقى اجيبلكم صوره بقى
انا لسه لغاية دلوقتى ماشوفتوش
هاستنى بقى بكرة
وابقى احكي لكم
بس خايفة ارجع اطبق عليه اللى ذاكرته
:)
الطبع يغلب التطبع
****
انا جيت
وجبت الصورة
اه نسيت اقولكم اية العلاقة الوثيقة بينى وبين القمر اللى فوق
انا اكبر حفيدة فى العيلة
والاستاذ اللى لسه عمره يوم ده
اصغر حفيد
يعنى الفرق صعب شوية
22 سنة وشوية
كل سنة وانت طيب
بمناسبة انك بقى عندك يومين
يا ميزووووووو
:)
Tuesday, September 4, 2007
شجرة الليمون
من داخل كهفى ارقب زهرات الليمون
ابحث فى ظلمة ليلى عن كنزى المدفون
عن بسمة عمر تخطى اعتاب العشرون
والكل سكون
عن هذا المجهول افتش؟
عن ماذا ابحث؟
ام انى اتابع من خلف الاسوار ظنون
وشجون الكون تفتش عنى
بل تعرف انى
مازلت لذاك القلب اكون
*******
اه هى قصيرة اوى انا عارفة
بس انا لقيتها عندى على الكمبيوتر
وكويت عمال تطلب منى احط حاجة جديدة
انا بقيت مملة تقريبا
حسيت شوية انها فيها من اللى قبلها
قولت احطهم يونسوا بعض
:)
Saturday, August 25, 2007
ضعيفة أنا كورقة شجر فى ليالى الخريف
حائرة على دروب حياة يملؤها الزيف
تتجسد أفكارى وتساؤلاتى على مرآة
نفسى
تطاردنى فى عتمتى ونورى كخيالى الشريد
تعود فتسألنى ماذا فعلت بكل الوان الزهور
بكل انواع العطور
صبغتها بها اشكال ودنيا
متناسية اسود الذبول
لون اسود واخر ابيض يملئان وجودك
تغتال الدنيا احلامك
تشنقها فوق الاف الحبال
كل يوم تقفدين اشياء
وتضيع منك اخرى
وانت غارقة فى غرفتك
حبيسة جدرانك
تمنعك اسوراك
من مجرد فكرة الخروج
اخترتى حلمك بالوانه
ونسيت خلف السور نور
شمس ساطعة وقصور
تلال خضراء
ملمس الندى والزهور
العصافير التى تدركين صوتها
ولا ترينها
فضلت خيالاتك على بشر بارواح وشعور
ولكن اى شعور
ماعاد فى الدنيا مايذكر عن المشاعر غير حروف
سطرت بيد كاتب او شاعر مغمور
او انفاس ثكلى على من فى القبور
حائرة على دروب حياة يملؤها الزيف
تتجسد أفكارى وتساؤلاتى على مرآة
نفسى
تطاردنى فى عتمتى ونورى كخيالى الشريد
تعود فتسألنى ماذا فعلت بكل الوان الزهور
بكل انواع العطور
صبغتها بها اشكال ودنيا
متناسية اسود الذبول
لون اسود واخر ابيض يملئان وجودك
تغتال الدنيا احلامك
تشنقها فوق الاف الحبال
كل يوم تقفدين اشياء
وتضيع منك اخرى
وانت غارقة فى غرفتك
حبيسة جدرانك
تمنعك اسوراك
من مجرد فكرة الخروج
اخترتى حلمك بالوانه
ونسيت خلف السور نور
شمس ساطعة وقصور
تلال خضراء
ملمس الندى والزهور
العصافير التى تدركين صوتها
ولا ترينها
فضلت خيالاتك على بشر بارواح وشعور
ولكن اى شعور
ماعاد فى الدنيا مايذكر عن المشاعر غير حروف
سطرت بيد كاتب او شاعر مغمور
او انفاس ثكلى على من فى القبور
Sunday, August 12, 2007
تاج
جااااااااالى تاج
من
جميلة بوحريد
ماعلينا
الف شكر ليها
انا من اول مادخلت عالم المدونات وانا بسال اية التاج ده
وللى مش عارف
هو مجموعة اسئلة بتمرر وبيجاوب عليها المدون
بما انى بعتبر نفسى دلوقتى واحدة من المدونين
D:
بس تستحملوا بقى علشان انا بتكلم كتيييييير
من
جميلة بوحريد
ماعلينا
الف شكر ليها
انا من اول مادخلت عالم المدونات وانا بسال اية التاج ده
وللى مش عارف
هو مجموعة اسئلة بتمرر وبيجاوب عليها المدون
بما انى بعتبر نفسى دلوقتى واحدة من المدونين
D:
بس تستحملوا بقى علشان انا بتكلم كتيييييير
يللا نبدأ
اسم مدونتك؟
wildbluebird
لماذا اخترته... ومانيتك وراء اختياره؟
أولا علشان انا بحب الطيوراكيد
بس بجد احساس انك تبقى طاير
مافيش حواليك غير الهوا بس ورجليك مش لامسة الارض
احساس رائع
مع انى ماعشتهوش بس حسيته
:)
يعنى ماجربتش اطير قبل كده
بقى wild
اولا انا كان اسمى
lovelybird
ودلوقتى وايلد
ده مش تغيير فيا
بس انا بعتبر انى اوقات ممكن يكون فيا الشئ ونقيضه
بس النقيض اللى يحفظ التوازن الطبيعى
يعنى انا مش على طول لافلى
اوقات ببقى ببقى شرسة يعنى
لكن سيبكوا من كل ده
علشان العصفور الامور العضاض اللى اختى اديتهولى
معلش برضوه مش عارفة احط صورته فى الموضوع
هابقى احطها فى جنب المدونة
صورتك فى المدونة رمزيتها؟
فى الاول كنت حاطة صورة حمامة زرقاء وعنيها حمراء
كانت بالنسبة لى غريبة ومخيفة
بس شيلتها وحطيت الصورة اللى انتوا شايفنها دلوقتى
طبعا واضحة
هل فكر ت فى اغلاق مدونتك والسبب؟
اه فكرت كتير
لما بقعد فترة كبيرة مش بكتب
وده اما بسبب الوقت او بسبب انى مترددة شوية
حد قل ادبه فى التعليق..اية رد فعلك؟
هتضايق جدا لانى معتقدش انى هاكتب مواضيع ممكن الرد عليها يكون سئ للدرجة دى
بس لما توصل لكده
يبقى اكيد هديليت التعليق
وده ممكن يبقى سبب للسؤال اللى فوق
انى اقفل المدونة
اسوأ مدونة؟
انا بفضل ادخل من هنا لهنا وادور فى المدونات
اكيد بوصل لمدونات افكار اصحابها مش تمام يعنى
هايحصل اية للايميل لما تموتى؟
هيموت بعدى بشهرين
اديتى الباسورد لحد قبل كده؟
لا
بس ايميل اتاخد منى قبل كده بحركة هاكر هزار
بس اتضايقت اوى لانى بعتبره حاجة شخصية
مش لازم يكون فيها اسرار
زى شنطة ايدى بعتبرها حاجة شخصية يعنى مش اى حد يبص فيها
اسمك؟
هبه
عمرك؟
22
كبرت اوى انا عارفة
برجك؟
لو علشان حظك اليوم يبقى مش هاقول
:)
مجال دراستك؟
طب بشرى انتوا مش شامين ريحة جث ولا بنج
السفر بالنسبة لى؟
من اول الصحبة حتى لو كنت لوحدى
البيوت
الاراضى
الكبارى
النيل
البحر
الجبال
المحطات اللى بنزلها لو راكبة قطر
البلد اللى رايحها بناسها
كل ده غير السبع فوايد
;)
يعنى بستمتع بكل لحظة فيه
المود بتاعك؟
ممكن كتير يبقى عكس اللى جوايا
يعنى مبسوطة اغلب الوقت
علشان مابحبش اضايق حد
وقت فراغك بتعملى فيه اية؟
مش هاقول النت علشان النت فى كل الاوقات
لكن اشوف صحباتى
اروح لتيتا وخالاتى
اخرج
اتعلم حاجة جديدة
الاكلة المفضلة؟
بمووووووت فى البسلة
الصفات اللى اخدتها من بابا؟
الروح
مش عارفة هى التركيبة كده واحدة
اللى كان نفسى اخده
هدوء بابا ودبلوماسيته فى التعامل مع المواقف
الصفات اللى اخدتها من ماما؟
دماغى ناشفة اوى
اكتر ست حاجات بكرهها؟
الخيانة
الظلم
الكدب
التكبر
التطنيش
ولما حد يفتكر انه هيستعبطنى
لماذا دخلت عالم التدوين من الاساس؟
اولا بداية معرفتى بالمدونات كان عن طريق بابا
كان عنده برنامج اسمه
deebo reader
كان دايما يقولى ابقى نزليه عندك
بدات اتابع بعض المدونات
وحبيت اشارك
حسيت انى عندى كلام كتير
لكن حتى الان المواضيع اللى اتنشرت اقل من اللى المحفوظة
أحلى جملة قيلت فى وصف مدونتك؟
هى ماكانتش فى وصف المدونة
لكن عن التدوين عامة
وان اللى هستفيده منه احساس المشاركة وده اللى انا عاوزاه
التعليقات بالنسبة لك أهميتها؟
مهمة طبعا
كل كلمة اتقالت كرد سواء معايا او ضدى او نقد ليا بطريقة كويسة
انا برحب بيها
وتعنى لى كتير
أحلى بوست كتبتيه؟
مافيش بالنسبة لى احلى
لانى عامة مش بكتب مواضيع فى مجله
يعنى انا مش صحفية
انا بكتب عن نفسى
فبالتالى كل موضوع له اهميته
أفضل مدونة قرأتها؟
لا فى كتير اوى
أفضل بوست؟
عامة انا بحب المواضيع اللى بتتكلم عن حياة شخص والمواقف اللى بتقابله
لان ده فى نظرى احسن طريقة ممكن نعيشها ونتعلم بيها
الشغل بالنسبة لك؟
بما انى فى مجال الطب
فاعتقد هو اكبر بكتير من ان يكون طريقة كسب مادى
فى الاساس ماكانش ده هدفى
الانترنت بالنسبة لك؟
وسيلة تفاعل واندماج
وبجد ابدا عمرى مابعتبره تسلية
ياه كل دى اسئلة
انا كتبتهم على مرتين على ماخلصت
وهاعملك زيك ياجميلة
التاج ده لكل الناس اللى عندى
Casper
Rona
قصائد مبعثرة
Noor El-madi
فارس قرطبة
حصان برى
sabsoob
طبعا اللى فاضى فيكم
بما ان كلكم تقريبا طب
فبراحتكم خالص
انا مش مستعجلة
ولو فيه اى حد مش متضاف عندى وله كومنتات يدخل ياخد التاج
براحته خالص
بس يبقى عليكم تاج
:)
Wednesday, August 8, 2007
محضر غش
الحمد لله على كل شئ
فوجئت بالمراقبة واقفة جنبى فى الامتحان
وماسكة ورقة الاسئلة
وبتبص لى بصة وحشة اوى
عمر ماحد بصها لى فى حياتى
وبتقولى اية ده
مرت لحظة
اكتشفت
انى معرضة للاتهام بالغش فى الامتحان
لم تعنينى كلماتها او رأى من حولى فى
لان اولا الله يرانى
لكنى لقيت نفسى بقولها
لا
انا مش بغش
حضرتك ده خطى اولله
انا اللى كاتبة ده
طيب اسالى اللى حواليا
مش هاقولكم حالتى كانت عاملة ازاى
.....
نيجى بقى لاصل الموضوع
عندى عادة سيئة اوى
بس بصراحة اول مرة تعملى مشكلة
وهى القلم الرصاص
عادة بخطط فى ورقة الاسئلة بعض الحاجات اللى بتساعدنى فى الاجابة
بالذات لما يكون سؤال مش عارفاه
ولانى على طول بخرج من الامتحان بدرى اوى
فقولت لما استهبل واقعد شوية
كتبت سؤال كامل تقريبا فى ظهر الورقة
وقولت هاقعد شوية استريح وبعدين اكمله
والجو حر
وطبعا مافيش مراوح
وانا بستعمل ورقة الاسئلة اهوى بيها على نفسى
والمراقبة رايحة جاية تهزر معايا
تقولى يللا يمكن توقع عليكى اجابة ولا حاجة
وعادى
طلعت قدام ورجعت
لقت الهانم اللى كانت قاعدة فاضية
ماسكة ورقة الاسئلة ومكتوب على ضهرها بالرصاص
ونازلة نقش
الست يعنى غلطت
لازم تظن بيا سئ
مش بلومها ابدا
بس الموقف كل كان صعب عليا جدا
انك تتهم بحاجة ظلم
نتيجة سوء تفاهم
احساس الظلم وحش اوى
خصوصا لما تكون قاعد فى لجنة فيها ناس بتغش على عينك ياتاجر كده
طبعا هى تفهمت الموقف بعدها وطلبت منى انى امسح المكتوب
علشان ماينفعش برضوه
وبدات اكمل اجابتى للسؤال
بس اخدت نص ساعة بعدها وانا بكتب من اسوأ الاوقات فى حياتى
وكفاية كده بقى احسن هاعيط تانى
وانا ماصدقت نسيت
:)
Monday, July 30, 2007
فضفضة
شوية فضفضة علشان انا تعبت
بحاول احافظ على هدوء اعصابى لان الوقت مايسمحش
باى تعب اعصاب
بكلم صحباتى وكل واحدة فيها اللى يكفيها
يمكن اخرها من شوية صاحبتى عاوزانى اقولها على حاجة مهدئة للاعصاب
او منوم علشان تعرف تنام
يمكن دى مش اتقل مادة فى طب
لسه فى السنة الجاية الجراحة والنساء
بس احنا فى السنة دى
اية الغم ده
استرس فظيع على كل الناس
بس انا بحاول اهدى نفسى واهديهم
بقول ان زيها زى اى امتحان وهتعدى برضوه زى اى امتحان
يمكن التعب الاكبر ان عندنا خمس ايام امتحان لنفس المادة متفرقة على شهر تمانية
مابين يومين نظرى
ويوم شفوى
ويوم جلدية
ويوم كلينيكال
بس انا بحاول اتجاهل ده واعيش كل يوم امتحان بيومه
اصل انا لو فكرت هتعب
ولو تعبت يبقى هاعجز بدرى السنة دى
وانا طول السنين اللى فاتت مطنشة وبوهم نفسى انى مش طالبة طب
وجايبة نتيجة كويسة
لسه شكلى يدى على طالبة ثانوية عامة
مش هاجى بقى اضغط على نفسى السنة دى
ويروح كل المجهود ده على الارض
هههههههه
بس الاحسن من ده كله بجد
انى عندى ثقة كبيرة اوى فى ربنا
ان ربنا مش هيضيع تعبى لا انا ولا اى حد من زمايلى
ربنا معانا
دعواتكم
Wednesday, July 25, 2007
ملكة جمال
كان ليا حظ للمرة التانية انى اصادف احد مسابقات الجمال
بس دى مختلفة كتييييييير عن اللى قبلها
المرة دى
ملكة جمال الاخلاق
المسابقة اعدتها قناة
اقرأ الفضائية
طبعا فى غنى عن التعريف
الفكرة كانت ان المتقدمات للمسابقة
زى ماشوفنا الاسم
كان على اعتبار الاخلاق
تبقى ازاى دى؟
المفروض انهم بيحكوا مواقف اوقصص مروا بيها فى حياتهم
كان بيتوج القصص دى اخلاقهم
وتصرفاتهم فيها
دى كانت الفكرة الاولى للمسابقة
بس بعدها بقى اساس القصة
هو بر الوالدين
يعنى طبعا المسابقة ماكانتش معتمدة على الجمال الشكلى
ولكن نقدر نقول جمال الروح
فى نظرى الشئ الوحيد الضعيف فى المسابقة
هو طريقة الاشتراك
ان اللى بتحكى الموقف او القصة
هى الفتاة نفسها
الموضوع كده اعتقد فقد مصداقيته شوية
كان الاجمل ان والديها او اقاربها
او اصدقائها هما اللى يحكوا او يبعتوا يشتركوا لها فى المسابقة
كانت المسابقة هتكون اكثر قوة وجمال
ولو ان الخطوة نفسها جريئة وايجابية جدا
فى مواجهة مسابقات الجمال التجارية
وان كنت اختلفت معهم فى النقطة دى
لكن مافيش شك انى الفكرة نفسها عجبتنى جدا
وممكن تتنفذ باشكال تانية وتكون للافضل
نحو إعلام نظيف
وأفكار بناءة
دى وجهة نظرى
ياترى انتوا كمان رأيكم اية؟؟؟
Saturday, July 21, 2007
ناس
ياما قابلنا ناس ولا عمرنا عرفناهم
وناس كتير لكن ولا حسناهم
.
.
فيه ناس تحيرك
وناس تغيرك
.
.
وناس مابين الزحمة حتى عنيها كرهاك
وناس برغم البعد جوا قلوبها شايلاك
.
.
ناس عايشة بتحسد فيك
وناس ماشية وخوفها عليك
...
شوف بقى انت مع اللى بيحبك
ولا اللى مستنى فى يوم يخسرك
.
.
.
لكن هاقولك رأي
خلى الحب كل اساس
حب الحياة والناس
.
.
حب الحياة
اصل الحياة لازم لها تتعاش
Friday, July 6, 2007
قلق
احساس القلق ملازم لى منذ صغرى
لا اعلم حقا ان كنت اعتدت عليه ام هو من اعتاد علي
ولكن لا اجد تحسنا لتلك الاعراض التى تنتابنى
فما ان يزداد قلقى حتى اتوقع حدوث كل مايمكن تخيله
اعتقد ان عقلى الباطن يحاول ان يخفف من هول ماسيحدث
واعتقد ان الشئ الاسوأ لو حدث
فسيكون هذا اقل فظاعة مما يدور فى عقلى فى ذلك الوقت
فهل ترى استطيع يوما انى اتغلب على قلقى الداخلى
بالرغم أنى لا اشعر أنه خوف مرضى بدون سبب
بل حقا تكون هناك أسباب أراها عادة مقنعة
إما الاشخاص ذوى أهمية خاصة
او الاشياء لها مدلول قوى
اوقد تكون كلها حجج واهية
لأبرر قلقى
Thursday, July 5, 2007
ليلة ويوم
طبعا كانت ليلة ويوم
:)
عدوا على خير
بتقى ليلة الامتحان مافيش زيها من القلق ومن غير نوم
مابصدق الدنيا تنور واطلع فوق سطح البيت
لانى بكون خلاص هيغمى على وانام
فوق بقى شوية هوا كده ولا حاجة يفوقونى
مش عارفة بقالى كام يوم
كل مااطلع
افتكر اغنية
كانت ماجيك صاحبتى باعتها لى
بتقول
شوفت الفار السندق اللى اكل البندق
فوق سطح الفندق
سطح الفندق
افتكرها وافطس على نفسى من الضحك
........
الالذ من كده بقى ان فيه حمامتين
بقيت كل مااطلع الاقيهم يقفوا على السور ويقعدوا يتمشوا مع بعض
مش عارفة بصراحة بيجوا منين
اصلهم مش من عندنا
بس الطيور على اشكالها تقع
;)
:)
عدوا على خير
بتقى ليلة الامتحان مافيش زيها من القلق ومن غير نوم
مابصدق الدنيا تنور واطلع فوق سطح البيت
لانى بكون خلاص هيغمى على وانام
فوق بقى شوية هوا كده ولا حاجة يفوقونى
مش عارفة بقالى كام يوم
كل مااطلع
افتكر اغنية
كانت ماجيك صاحبتى باعتها لى
بتقول
شوفت الفار السندق اللى اكل البندق
فوق سطح الفندق
سطح الفندق
افتكرها وافطس على نفسى من الضحك
........
الالذ من كده بقى ان فيه حمامتين
بقيت كل مااطلع الاقيهم يقفوا على السور ويقعدوا يتمشوا مع بعض
مش عارفة بصراحة بيجوا منين
اصلهم مش من عندنا
بس الطيور على اشكالها تقع
;)
امتحانات
طبعا كل الناس بتتكلم على اسكندرية
والبحر
وانا كنت بذاكر ومش طايقة نفسى
ومش شايفة اى معالم للرحلة المؤجلة دى
والامتحانات مستمرة زى ماهى
فقولت اعمل اية
اروح لوحدى انا بقى وانا فى البيت
وانا قاعدة بذاكر
جبت شوية صدف
وحطيتهم قدامى على المكتب
وتخيلت منظر البحر وعشت مع نفسى شوية هناك
الاوضة كان ناقصها حاجة واحدة
شوية مية ورمل
بس كده كنت هتبهدل ماهو مش انا اللى برتب الاوضة اصلا
:)
والبحر
وانا كنت بذاكر ومش طايقة نفسى
ومش شايفة اى معالم للرحلة المؤجلة دى
والامتحانات مستمرة زى ماهى
فقولت اعمل اية
اروح لوحدى انا بقى وانا فى البيت
وانا قاعدة بذاكر
جبت شوية صدف
وحطيتهم قدامى على المكتب
وتخيلت منظر البحر وعشت مع نفسى شوية هناك
الاوضة كان ناقصها حاجة واحدة
شوية مية ورمل
بس كده كنت هتبهدل ماهو مش انا اللى برتب الاوضة اصلا
:)
طبعا الجو ده كان ضرورى للهروب من كتب الباطنة
فى اخر اليوم طبعا قولت اتعلم شوية بلياردو بالبلى بتاع اخويا الصغير
الواحد يتعلم حاجة جديدة
;)
الواحد يتعلم حاجة جديدة
;)
وده كان يوم فى الذاكرة الى ان تسمعوا خبر قريبا انى روحت المصيفوياريت لو كان اسكندرية
Sunday, July 1, 2007
مواسم
دى اربع صور لنفس المكان فى فصول السنة المختلفة
معلش مش عارفة الفصول بالترتيب الزمنى
اصلى بتلخبط فيهم من ابتدائى
معلش مش عارفة الفصول بالترتيب الزمنى
اصلى بتلخبط فيهم من ابتدائى
ده طبعا الشتاءاحب الفصول الى قلبى
مش بس علشان الحر اللى احنا فيه دلوقتى
لا علشان المطر والسما الزرقا والجو الرومانتيكى ده
والمقولة اللى بتقول
فى الشتا تقدر تلبس اللى انت عاوزة
لكن فى الصيف مش تعرف تقلع اللى انت عاوزة ياحلو
وده طبعا الخريف
خريف العمر
زى ماكانوا بيشبهوا فصول السنة بحياة الانسان
هيه ذكريات
حبيب قلبى الصيف اللى تاعب قلبنا كلنا
عارفينه برضوه الرومانتيكى ده بتاع الورد والبيض وشم الفسيخ
ايوة هو الربيع
فيه حوار بس لذيذ فكرنى بفصول السنة
وهو سبب العنوان مواسم
كنت زعلانة اوى على الفترة اللى احنا فيها دى
امتحانات وقرف
والواحد مش عارف يخرج
حتى افراح زملاء الثانوى والاعدادى والابتدائى
مش عارفين نروحها
سمعت كلمة غريبة اوى
انه ده الموسم
ماشى خير يعنى
اه صيف بقى وعقبال عندكم افراح وليالى ملاح
لا موسم العودة من الخارج
والبنات اللى فى طب زينا كده وبيمتحنوا الفرصة دى ياحرام هتروح من ايديهم
الخليج والسعودية بقى وفلوسهم
كلهم فى مصر الشهرين دول
وزهرة الشباب هتروح علينا
مش عارفة اية الشحاتة اللى شغالة على البنات اليومين دول
طريقة فى الكلام استفذتنى اوى
كانى من البنات اللى قاعدة مستنية عدلها
هههههههه
من الهم مايضحك والله
صحيح نص البنات اللى فى مصر عوانس
ونصهم هيبعتوه دول الخليج خدامين
بس مش للدرجة دى يعنى
اية هنشحت رجالة على اخر الزمن
هزلت على رأى واحدة اعرفها
;)
ايوة هو الربيع
فيه حوار بس لذيذ فكرنى بفصول السنة
وهو سبب العنوان مواسم
كنت زعلانة اوى على الفترة اللى احنا فيها دى
امتحانات وقرف
والواحد مش عارف يخرج
حتى افراح زملاء الثانوى والاعدادى والابتدائى
مش عارفين نروحها
سمعت كلمة غريبة اوى
انه ده الموسم
ماشى خير يعنى
اه صيف بقى وعقبال عندكم افراح وليالى ملاح
لا موسم العودة من الخارج
والبنات اللى فى طب زينا كده وبيمتحنوا الفرصة دى ياحرام هتروح من ايديهم
الخليج والسعودية بقى وفلوسهم
كلهم فى مصر الشهرين دول
وزهرة الشباب هتروح علينا
مش عارفة اية الشحاتة اللى شغالة على البنات اليومين دول
طريقة فى الكلام استفذتنى اوى
كانى من البنات اللى قاعدة مستنية عدلها
هههههههه
من الهم مايضحك والله
صحيح نص البنات اللى فى مصر عوانس
ونصهم هيبعتوه دول الخليج خدامين
بس مش للدرجة دى يعنى
اية هنشحت رجالة على اخر الزمن
هزلت على رأى واحدة اعرفها
;)
هل ترى
هل ترى سيعود يملؤنا الشغفهل ترى الالوان يوما قد تعود الى الصور
قد مللت الانتظار
قد سئمت من الحوار
تذبل الازهار يوما لاترى فيه النهار
تغدو اشباح اعتذار
تسكب العطر البرئ على رفات الاحتضار
وانت ..اما عانيت اهات اندثار
واختفاء الحلم حلف اكوام الغبار
اما قررت يوما ان تعود الى الديار
Sunday, June 17, 2007
اطفال....اطفال
شكل فكرتى اللذيذة الحلوة عن الاطفال هتتغير
بقالى يوم كامل
فى الطفل بدأ يحبوا امتى
وضحك امتى
وعرف ماما ولا لا
وغمز لعمو
وكلم خالو
وكان مولود كام سنتيمتر بقى
ومحيط راسه
لا ومحيط ذراعه
وكام سنة طلعت للنونو
انا كان مالى ومال الهم ده
دماغى قرب يطلع فيه عيل صغير
ده غير اللى بيلعبوا جوا دلوقتى
بقالى يوم كامل
فى الطفل بدأ يحبوا امتى
وضحك امتى
وعرف ماما ولا لا
وغمز لعمو
وكلم خالو
وكان مولود كام سنتيمتر بقى
ومحيط راسه
لا ومحيط ذراعه
وكام سنة طلعت للنونو
انا كان مالى ومال الهم ده
دماغى قرب يطلع فيه عيل صغير
ده غير اللى بيلعبوا جوا دلوقتى
