WiLdBiRd

Thursday, July 5, 2007

امتحانات

طبعا كل الناس بتتكلم على اسكندرية

والبحر

وانا كنت بذاكر ومش طايقة نفسى

ومش شايفة اى معالم للرحلة المؤجلة دى
والامتحانات مستمرة زى ماهى

فقولت اعمل اية

اروح لوحدى انا بقى وانا فى البيت

وانا قاعدة بذاكر

جبت شوية صدف

وحطيتهم قدامى على المكتب

وتخيلت منظر البحر وعشت مع نفسى شوية هناك

الاوضة كان ناقصها حاجة واحدة

شوية مية ورمل

بس كده كنت هتبهدل ماهو مش انا اللى برتب الاوضة اصلا

:)




طبعا الجو ده كان ضرورى للهروب من كتب الباطنة


فى اخر اليوم طبعا قولت اتعلم شوية بلياردو بالبلى بتاع اخويا الصغير
الواحد يتعلم حاجة جديدة

;)

وده كان يوم فى الذاكرة الى ان تسمعوا خبر قريبا انى روحت المصيف

وياريت لو كان اسكندرية
posted by WiLdBiRd at 8:42 AM

8 Comments:

بجد بجد بجد , كانت اصعب فترة امتحانات من اول ما دخلت الكلية دي , من ناحية لأني شكاك خصوصا بعد امتحان الاطفال و ثانيا ان الست الحاجة دخلت الفروع اللي المفروض انها مكانتش تخش
Wrong Expectations :D
==========
الصورة بتاعة الصدف جنب الهيباتايتس فظيعه بوهم , ممكن نسميها "البحر في زمن الهيباتايتس " على غرار رواية ماركيز "الحب في زمن الكوليرا " ... حالا
بس عرفت بيجيبوا الاسماء دي منين
===========
قرأت ردك السابق , و البلوج يتشرف بزيارتك في اي وقت
24 \7

بالنسبة للتعليق
لا يختلف عن بلوجر ,
First log in using any hotmail mail u have "sure anyone has a hotmail" and ur password either before visiting the space or after u click "add a comment" at the bottom of every entry ... then u can see a box to write a comment....Voila :D

July 6, 2007 at 5:23 AM  

والله انتى عسولة خالص هبة
والامتع الكاميرا المتنقلة المتجولة بارجاء غرفتك وع السطح
احب انا الحاجت دى اوى
بجد انتى بتنقلى معاناتى بس انا مش بدور الا ورا الرسم
غالبا بمسك الكتاب والنهاردة جنب صفحة من صفحات الانف رسمت رسمة مش عارفة هى ايه
بس بجد جميلة جدا
لانى لما برسم مش بوجه لرسمة معينة بسيب للعقل الباطن يحركنى وتطلع زى ما تطلع
بس بتعجبنى فى النهاية
هى كده الامتحانات

July 6, 2007 at 1:11 PM  

asim:

بجد بجد الموضوع بقى بيطول ومستفذ بطريقة فظيعة

تفتكر نقدر نقضى على اللى احنا فيها ازاى؟

واهو احنا بنتحايل على الوقت ده

تقدر تسميها المذاكرة فى زمن الاستهبال

:)
وان شاء الله ارد على مواضيعك قريب

Rana Degheidy:

هى كده الامتحانات

بتخرج الطاقات المكبوتة

ياريت لو اعرف اشوف الرسمة الجميلة اللى بتقولى عليها

اية هتطلعى فنانة؟ولا كلها شخبط شخابيط

انا فاكرة زمان اى حاجة جديدة كنت اعملها كانت بتبقى فى وقت الامتحانات

ياستى شرفينى وانا اطلعك فوق سطحنا وسطح الجيران كمان لو تحبى

July 8, 2007 at 8:52 PM  

ههههههههههه انا لسه راجع من اسكندريه من 3 ساعات بس روحت هناك علي اساس اني رايح اخلص مشوار وهرجع كمان 5 ساعات لاقيت نفسي قاعد 8 ايام من غير مااحس طبعا حسيت لما رجعت البيت هنا ولاقيت العيله كلها بدور علي ابنهم الي راح اسكندريه ونسي الموبيل فالقاهره ومتصلش بيهم يطمنهم ادي الي بيجلنا من اسكندريه بس بجد كانوا 8 ايام فالجون كانوا جامدين موووووووووت

July 14, 2007 at 2:19 AM  

يابختك

العيلة عاوزة تطلع وبيتحايلوا عليا بصراحة

بس قلبى مش مطاوعنى خالص

شكلى هصيف فى رمضان او بعده يمكن فى الشتاء

خصوصا انى امنيتى انى اقضى فترة من الشتاء فى اسكندرية

July 14, 2007 at 8:22 PM  

نصيحه من فاشل اسكندريه فالشتا يعني المزاج كله يعني احسن اسكندريه شفتها فحياتي انا بروح فالشتا لناس صحابي اسكندرنيه هناك بجد بتشوفي بلد غير البلد مختلفه نهائيا وكانك عمرك ما روحتي اسككندريه قبل كده يلا ربنا معاكي بس في الحر ده البحر حلو برده

July 15, 2007 at 12:32 AM  

فعلا
اسكندرية في الشتا تحفة
بتبقى اسكندرية وبس

لكن اسكندرية في الصيف
بتبقى اسكندرية تحت الاحتلال من المصيفين

وقلبي معاكي
وانت عايشة حالة الحرمان البحري دي

ربنا ييسر وتروحي المصيف بقى
وتعتقي العيلة كمان

July 25, 2007 at 10:58 PM  

حلوة تحت الاحتلال دى

:)

دعواتك علشان شكلهم هيسبونى ويسافروا

بس انا اكيد ليا يوم

حتى لو فى الشتا

July 26, 2007 at 5:49 AM  

Post a Comment

<< Home