WiLdBiRd
Sunday, July 1, 2007
مواسم
دى اربع صور لنفس المكان فى فصول السنة المختلفة
معلش مش عارفة الفصول بالترتيب الزمنى
اصلى بتلخبط فيهم من ابتدائى
معلش مش عارفة الفصول بالترتيب الزمنى
اصلى بتلخبط فيهم من ابتدائى
ده طبعا الشتاءاحب الفصول الى قلبى
مش بس علشان الحر اللى احنا فيه دلوقتى
لا علشان المطر والسما الزرقا والجو الرومانتيكى ده
والمقولة اللى بتقول
فى الشتا تقدر تلبس اللى انت عاوزة
لكن فى الصيف مش تعرف تقلع اللى انت عاوزة ياحلو
وده طبعا الخريف
خريف العمر
زى ماكانوا بيشبهوا فصول السنة بحياة الانسان
هيه ذكريات
حبيب قلبى الصيف اللى تاعب قلبنا كلنا
عارفينه برضوه الرومانتيكى ده بتاع الورد والبيض وشم الفسيخ
ايوة هو الربيع
فيه حوار بس لذيذ فكرنى بفصول السنة
وهو سبب العنوان مواسم
كنت زعلانة اوى على الفترة اللى احنا فيها دى
امتحانات وقرف
والواحد مش عارف يخرج
حتى افراح زملاء الثانوى والاعدادى والابتدائى
مش عارفين نروحها
سمعت كلمة غريبة اوى
انه ده الموسم
ماشى خير يعنى
اه صيف بقى وعقبال عندكم افراح وليالى ملاح
لا موسم العودة من الخارج
والبنات اللى فى طب زينا كده وبيمتحنوا الفرصة دى ياحرام هتروح من ايديهم
الخليج والسعودية بقى وفلوسهم
كلهم فى مصر الشهرين دول
وزهرة الشباب هتروح علينا
مش عارفة اية الشحاتة اللى شغالة على البنات اليومين دول
طريقة فى الكلام استفذتنى اوى
كانى من البنات اللى قاعدة مستنية عدلها
هههههههه
من الهم مايضحك والله
صحيح نص البنات اللى فى مصر عوانس
ونصهم هيبعتوه دول الخليج خدامين
بس مش للدرجة دى يعنى
اية هنشحت رجالة على اخر الزمن
هزلت على رأى واحدة اعرفها
;)
ايوة هو الربيع
فيه حوار بس لذيذ فكرنى بفصول السنة
وهو سبب العنوان مواسم
كنت زعلانة اوى على الفترة اللى احنا فيها دى
امتحانات وقرف
والواحد مش عارف يخرج
حتى افراح زملاء الثانوى والاعدادى والابتدائى
مش عارفين نروحها
سمعت كلمة غريبة اوى
انه ده الموسم
ماشى خير يعنى
اه صيف بقى وعقبال عندكم افراح وليالى ملاح
لا موسم العودة من الخارج
والبنات اللى فى طب زينا كده وبيمتحنوا الفرصة دى ياحرام هتروح من ايديهم
الخليج والسعودية بقى وفلوسهم
كلهم فى مصر الشهرين دول
وزهرة الشباب هتروح علينا
مش عارفة اية الشحاتة اللى شغالة على البنات اليومين دول
طريقة فى الكلام استفذتنى اوى
كانى من البنات اللى قاعدة مستنية عدلها
هههههههه
من الهم مايضحك والله
صحيح نص البنات اللى فى مصر عوانس
ونصهم هيبعتوه دول الخليج خدامين
بس مش للدرجة دى يعنى
اية هنشحت رجالة على اخر الزمن
هزلت على رأى واحدة اعرفها
;)
posted by WiLdBiRd at 5:18 AM
12 Comments:
حلوة حكاية المواسم دي ,
:D :D
بس اعتقد الموضوع ده كان زمان شوية , نقول من 7 سنين مثلا , لأن الشغل دلوقت في السعودية مش زي زمان مواسم بقى
:D :D
======
تعليقا على المواسم برضه لكي أن تندهشي لما تعرفي اني عاشق للصيف بكل ما يحمله من حر و رطوبة و الخ , حتى بحس اني انشط بكتير من اي وقت , في الشتاء بعد ايامه لحد ما يخلص , مبطقهوش
:D :D
شكلك يا عاصم وصلتك رسالة كريم نبيل
:D
بالنسبة للمواسم والله أنا بحب الصيف عشان المية بس بحب السباحة فى الشتا أكتر عشان المية بتبقى دافية ومش بتعب
:D
ثم أنا بحب المطر جدا
لكن مش فى بلدنا اللى بتغرق فى شبر مية دى
أما بالنسبة للجو فبحب درجة حرارة الجو أكتر فصل فى الخريف
بكره الربيع عشان التراب ورياح الخماسين
!!!!
هى الازمات اللى بتطلع نوادر
جميل والله
عن نفسى مش بطيق الصيف عشان الناموس
ومش بطيق الشتا بعد عشقى له لانى وبعد تطبيق نظرية تقدر تلبس فى الشتا الا انى مهما بلبس بتلج
بطاطيييين على راى زميلاتى وبتلج والله
سبحان الله مفيش غير يوم تلاقى الهوا فيه جميل وبدون اتربه وحرارته معتدلة
سبحان الله
لكن مواسم وفصول هقولك ابدا كله بيقلب
ومواسمنا غريبة
امتحانات فى الصيف وفى اخر سنة يرجع فى الشتا ومفيش مذاكرة نافعة لا صيف ولا شتا
ربنا يعديها على خير
asim:
والله شرفتنى للمرة التانية
بس اشوف حل فى سبيسك اللى مش عارفة اعلق عليه ده وانت تلاقينى هناك كل شوية
انا كده اشغل السبيس بتاعى اللى ورثته علشان اعرف ارد احسن؟
وبالنسبة للمواسم
الموضوع فعلا كان زمان شوية
ايام ماكان فيه جواز اصلا
:D
بس هانعمل اية بقى كويس ان فيه ناس لسه بتفكر لنا وصعبانين عليهم
.....
الصيف
غريب
طيب كاسبر علشان السباحة
اكيد انت علشان الاجازة
بس خلاص ماعاد فيها اجازة
:)
--------
casper:
انت تحب كل الفصول براحتك
واحد المية والتانى الهوا والتالت درجة الحرارة
عندك الدنيا ربيع والجو بديع فى كل فصول السنة
والمية موجودة على طول
ربنا مايحرمناش كلنا منها
علشان اعراض الجفاف وحشة انت عارف
---------
Rana Degheidy:
رونا حبيبتى
هو فيه بعد نوادرك ياقمر
اية ده انتى من الناس اللى بتبقى بردانة فى الصيف والحاجات دى؟
ياشيخة
فكرينى مرة اشوفك فى الشتاء وصدقنيى هنقضى وقت لذيذ تحت المطر
واوعدك بدور برد محترم انا وانتى وحبيبتى اللى دايما بتنزل تعوم... قصدى تتمشى معايا فى المطر
يلا وادينى غرمت عزومة على اى حاجة سخنة كمان يومها
بجد حلو الموضوع وطريقه الكتابه والعنوان عجبني قوي بس بالنسبه للفصول فانا عندي كل الفصول زي بعض حر زي البرد زي اي وقت تاني اهم حاجه ان مزاجي يكون كويس ومظبوط لا ازيد ولا اقل
لا تتخيلى عشقى للمطرة
انا بدعى الدنيا تمطر فوقى
واميكنش حد فى الشارع
انا بقف تحت المطرة وزمايلى بيتخفوا تحت اسقف البيوت
لكن انا منتظرة العزومة
وعلى وعلى أعدائى لو مكنتش العزمة كاملة
ههههههههههه
ربنا يخليكِ لى يارب
اما نوادرى فهذه ليست طبيعتى الا ان المواقف تفرض على اكثر من ذلك
وخصوصا لما يكون الرمد
يلا وقومى ذاكرى الباطنة
N!GHT:
على رأيك اهم حاجة المزاج
بس يكون مظبوط وكل حاجة تتعدل
شرفتنى بتعليقك
كده تمام بتحبى المطر
وانا عند وعدى وعزومتى ياستى
بس حاجة سخنة مش اكتر
نسكافية
شاى بقى
زى ماتحبى
هي مش هزلت بس...هي هزلت...وذبلت...وتكسحت
و الله ما بقيت أحس أساساً بالفصول....الواحد عايز يخلص....
و بعدين مالها عيشة الحرية
سلاماااات
هههههههه
ضحكتينى اكتر من البوست نفسه
وعلى رأيك احنا هنستعجل ليها
محلاها عيشة الحرية
اولا الصور وتناغم وتعاقب المراحل
جميل جدا جدا
اكثر من رائع
وموضوع انه الموسم فدا فعلا
الصيف باجازته يهل من هنا
وحركة الزواج تنشط
الموضوع دا احنا عارفينه ليه بقى
انا من الريف
وعارفين طبعا المجاملات في الزواج وكدا
ولازم كل الناس تكون مجهزة ميزانية لشهري يوليو واغسطس
علشان النقوط في الافراح والخطوبات وكدا يعني
ويقولك ايه
اعملوا حسابكم شهر 7 جاي
يعني ناس تتخطب وتتجوز
واحنا ننقط
ما حدش يقولي ركبوا جلدة
لانها ما نفعتش
هههههههه
بعد اخر للصيف وحركاته
يللا اهو الصيف هيضيع عليا
ياخسارة
;)
Post a Comment
<< Home