WiLdBiRd
Wednesday, October 24, 2007
NHD
عارفة اننا هنفضل صحابوهنفضل دايما قريبين
مهما بعدتنا المسافات
او فرقت بينا السنين
ان اللى بينا حبيبتى فوق كل القيود
واللى زمان جمعنا لازم يوم يعود
انت اللى قولتى كتير
بان القلب واحد
انت اللى شجعتينى
وكنت ليا نجم ساطع
ياما اتخانقنا كتير
ياما بكينا كتير
يمكن فى نفس الوقت
واختلطت دموعنا
واما فهمنا الحب
ضحكت ليه قلوبنا
لما شاغبنا يوم..او لعبنا
لما عاندنا وبالهنا لمعت عيونا
دلوقتى جيتى ودموع غريبة مالية عينك
قولتى هروح من تانى وانا على الوعد
هارجع فى يوم
ونكون من جديد
مع بعض
ضحكت لك ياحبيبتى
مانا عارفاكى
صادقة اكيد
فى الكلمة والاحساس
ضحكت وانا عارفة انى هى دى البداية
بداية البعد مش النهاية
عارفة ان هى الدنيا كده
لما تقربنا اوى من بعض
لازم فى يوم
تنفينا تانى فى بعد
....................
عارفة ان دى بداية الرحلة مش نهايتها
يمكن نتقابل فى النص او فى النهاية
بس بجد مش هنساكى
posted by WiLdBiRd at 12:00 AM
10 Comments:
لما تقربنا اوى من بعض
لازم فى يوم
تنفينا تانى فى بعد
تمام قوي الكلمتين دول
جميل جدا بس الموسيقي عايزه تتظبط حبتين
فيه بعض الوقفات كده تقيله ولكنها قليله
الأفضل تسجليها وتنزليها لأن الزجل صعب قرايته لأنه لما بيتسمع بيتفهم أحسن
حلوة قوي قوي يا هبة
الكلام رائع
سلمت يداكي
:)
mahmoud farag
يمكن محتاجة تشكيل تبقى احسن
لكن تسجيل دى صعبة شوية
اما الموسيقى فانا كنت بكتب كلام عادى
وكمل معايا بالطريقة دى
هحاول اعدل بدايتها تانى
SNOW PRINCESS
ربنا يخليكى ياايمان
ده بتشجيعكم
الكلام الحلو دا
هو فيه كدا
كلامك جميل اوى
واحساسه عالى
برافووووووووووووووو
كلام حلو اوى
بس بجد اثر فيا اوى
يمكن لانى متوقعتش النهايه تكون كده
مستنين الجديد
احساس سامي بالصداقه
وخوف فطري من القدر
حلو بجد يا دكتر
سى السيد:
هو يمكن طلع حلو
لانى عشته وحسيته فعلا
شرفتنى بمرورك
dr.nour:
هى مش نهاية
دى مجرد بداية
شكلك بتتاثرى بالفرق زى كده
علشان كده اثر فيكى
حصان بري:
انت قولت خوف فطرى
يعنى عندنا كلنا
بس هو درجات
شرفت يادكتور
Post a Comment
<< Home