WiLdBiRd
Sunday, November 18, 2007
بلدى
على طرف لسانى انده عليكى
المس ايديكى
بيقولوا انك خلاص ناسيانا
وقال انك ماشية وسايبانا
قولت استنوا انده عليها
امسك ايديها
لسه يامصر مدية ضهرك لينا
ولا خلاص مش سامعة صوت خطاوينا
سامعة صراخ ولادك فى عرض البحر
ولا بكانا على حالنا فى عز الضهر
يمكن يابلدى الحمل منا تقيل
لا ده اكيد ولا يكفيه المواويل
برضه انتى لسه مش سمعانى
وسمعت صوتك..ده صوتك بكاكى
جه على بالى ان الكلام منى وجع
وان الجراح فتحت وانك بتبكى الجدع
لكن التفت وشوفت الدمع فى عنيكى
قام وقتها ادركت بس
لبس الحداد بدل العلم
اسود وشاح وابيض كفن
posted by WiLdBiRd at 4:27 PM
12 Comments:
انتى زعلانة اوى كده ليه ياهبة
بس جميل جدا كلام طالع من القلب وعشان كده وصل مكانه بالضبط
ومدونتك لذيذة اوى
وعن الغلاسة بقى انا اللى هغلس عليكى
عشان عليكى تعرفينى لوحدك؟
هستنى انك تقوليلى عرفتك قريب ياجميلة
سلام
جميله يا هبه
وتخلى اللى عنده دم يبكى
لكن اللى بلده هربت منه كل حاجه حتى الدم معدش بيتنحرر عليها
ولا عايز يمسك اديها
ولا يبص حتى فى عنيها
بس فى الاخر
على رأى شرين
مشربتش من نيلها؟طب كنت تغنلها؟
قال نيلها قال مهو سبب كل البلاوى الصحيه اللى احنا فيها
وعجبــــــــــى
something like love:
الصورة قالت ياجميل
انا مش زعلان ياشيرى انا زهقت بس
ويمكن علشان حاسة الموضوع بوجه عام
مش بس بالجانب اللى اتكلمت عليه
ومدونتك انتى كمان جميلة
اخدت جولة سريعة
وهارجع لها تانى
وبعدين انى اعرفك لوحدى دى مش غلاسة طبعا ولا حاجة
~`~`~Dr.AtRoPeNa~`~`~:
لالالالالا
انا بحتج على الكلام ده
هى مصر ولا نيلهما هم السبب فى اللى احنا فيه
يبقى انتى مااخدتيش بالك انا اقصد اية
انا كنت بتهمها فعلا بكده
فى اول الكلام
لكن تفتكرى هى السبب فى اللى احنا فيه
هى ممكن تكون زهقت مننا
لكن احنا اللى بنسيبها
احنا اللى بنرضى لها ولنفسنا اللى احنا فيه
وسيبك من شرين علشان الناس دى المفروض تغنى للمية المعدنية مش للنيل
ههههههههههههه
ايه الحلاوة دى ياجميل كويس انتى عارفة الصورة كنت مفروض اغيرها عشان اغير تركيز الغلاسة بتاعتى تزيد شوية
موضوعك ياجميل حساه انا كمان علطول بس بيقلب معايا بنظرة ساخرة لأوضاعنا يمكن ده يدينى أمل فى تغيرها واحنا لازم نحاول ونبدأ بنفسنا
لازم
منستناش حد ياخد بايدنا
لان اللى خد ايدنا جبنا وجاب البلد كلها لحد اللى وصلناله ده
ولو بدانا بنفسنا تغيير لو حاجة بسيطة وصغيرة هتلاقى نقد من ناس كتير وصعوبة فى الاول بس بعد كده هتتعودى ان ده الوضع الحالى وانتى اللى لازم تغييرى فيه لحد ماكل الناس تعمل كده
وبس
ده اللى بحاول اعمله مع نفسى بس على قدى فى حاجات صغنتوتة لسه
وعارفة انك مش زعلانة
مفيش حد اسمه هبة ويفضل زعلان اكتر من عشر دقايق
دى نعمة احمدى ربنا عليها ياقمره
اسيبك بقى دلوقتى واوروح استفرد بحاجة على المسا كده
انتى عارفة مزاجى
سلام ياجميل دوشتك معلش
حلوه فعلا القصيده ديه
يعنى بجد دخلت القلب على طول
بس الواحد اصل حزين وهى كملت عليه
جميلة جداا يا هبهوبة..بجد احساسها جميل
هي صحيح حزينة حبتين..بس حلوة برضه
:)
something like love:
دوشتينى اية بس ياشيرى؟
يمكن التغيير محتاجنا كلنا
ولو بحاجات صغيرة
كويس انك حاسة انك بتعملى حاجة
علشان انا مش حاسة انى بعمل اى حاجة
غير انى بتكلم وخلاص
dr.nour:
هو الحزن موجود بس احنا بنحاول نتناساه شوية
معلش انى فكرتك
:)
SNOW PRINCESS:
هى حزينة...بس انك تبقى حاسة ببلدك
وتبقى متاكدة فى الاخر
انها مش السبب فى اللى احنا فيه
ده مهم اوى
جميله جداااااااااا رغم حزنها بس بجد بعتبرها من اجمل الاشياء الي قرتها عن حال البلد
N!GHT:
أنا كمان حسيتها اوى علشان كده كتبتها
Post a Comment
<< Home