WiLdBiRd
Wednesday, August 8, 2007
محضر غش
الحمد لله على كل شئ
فوجئت بالمراقبة واقفة جنبى فى الامتحان
وماسكة ورقة الاسئلة
وبتبص لى بصة وحشة اوى
عمر ماحد بصها لى فى حياتى
وبتقولى اية ده
مرت لحظة
اكتشفت
انى معرضة للاتهام بالغش فى الامتحان
لم تعنينى كلماتها او رأى من حولى فى
لان اولا الله يرانى
لكنى لقيت نفسى بقولها
لا
انا مش بغش
حضرتك ده خطى اولله
انا اللى كاتبة ده
طيب اسالى اللى حواليا
مش هاقولكم حالتى كانت عاملة ازاى
.....
نيجى بقى لاصل الموضوع
عندى عادة سيئة اوى
بس بصراحة اول مرة تعملى مشكلة
وهى القلم الرصاص
عادة بخطط فى ورقة الاسئلة بعض الحاجات اللى بتساعدنى فى الاجابة
بالذات لما يكون سؤال مش عارفاه
ولانى على طول بخرج من الامتحان بدرى اوى
فقولت لما استهبل واقعد شوية
كتبت سؤال كامل تقريبا فى ظهر الورقة
وقولت هاقعد شوية استريح وبعدين اكمله
والجو حر
وطبعا مافيش مراوح
وانا بستعمل ورقة الاسئلة اهوى بيها على نفسى
والمراقبة رايحة جاية تهزر معايا
تقولى يللا يمكن توقع عليكى اجابة ولا حاجة
وعادى
طلعت قدام ورجعت
لقت الهانم اللى كانت قاعدة فاضية
ماسكة ورقة الاسئلة ومكتوب على ضهرها بالرصاص
ونازلة نقش
الست يعنى غلطت
لازم تظن بيا سئ
مش بلومها ابدا
بس الموقف كل كان صعب عليا جدا
انك تتهم بحاجة ظلم
نتيجة سوء تفاهم
احساس الظلم وحش اوى
خصوصا لما تكون قاعد فى لجنة فيها ناس بتغش على عينك ياتاجر كده
طبعا هى تفهمت الموقف بعدها وطلبت منى انى امسح المكتوب
علشان ماينفعش برضوه
وبدات اكمل اجابتى للسؤال
بس اخدت نص ساعة بعدها وانا بكتب من اسوأ الاوقات فى حياتى
وكفاية كده بقى احسن هاعيط تانى
وانا ماصدقت نسيت
:)
posted by WiLdBiRd at 3:20 PM
14 Comments:
انتى عارفة ياهبة
تقدرى تقولى ان اللى حصل منك دا طفولى شوية
متزعليش منى اختك الصغيرة وبناقرك شوية
بس بجد لما قولتيلى انا زعلت منك اوى
ليه تعيطى
مش مستاهل لانك قولتيها ربك شاهد ودا بيكفيكى
يلا متزعليش انا عارفة ان الظلم وحش جدا
واوحش حاجة انك تحط نفسك فى موقف تتاثر به تخيلا ان الناس شايفينك كده
ارجو تكونى فهمتى قصدى
ودى مشكلتنا فعلا اننا بنتاثر جامد باللى حوالينا وبنقلب بسرعة سواء ببكاء او غضب او او ودا من دون ما نكون اقوى بنفسنا
ربنا يعينكم يارب فى القادم من امتحانات
عارفةلما تلاقى دموع بتنزل غصب عنك من غير صوت
الصراحة اللى كنت خايفة عليه ورقة الاجابة
:)
هاتقولى طفلة برضوه مش مشكلة
بس انا مااقدرش ازعل منك
بابا على طول يقولى انى دموعى قريبة
ويزعل منى
بالمناسبة انا مارديتش احكيله علشان مايقولش زيك
لكن بالنسبة لكل اللى حواليا عارفينى كويس
وعارفين انى مش ممكن اعمل حاجة زى كده
بس صعبت عليا نفسى
انى ابقى فى موقف كده
:) كنت لسه جاي اسألك علي اخبار امتحاناتك
احساس الظلم صعب فعلا
:) بس هي اتهمتك انك بتغششي يبقي دفاعك ان ده خطك؟:)
ثم تعالي هنا
انا اصلا مابلاقيش وقت اكتب كل اللي عاوز اكتبه
يعني يوم مابتهور بخرج قبل اللجنه بربع ساعه
:) دي فروق سرعات بقي ولا ايه؟
انق عليكي تاني يعني؟:)
الحمد لله فعلا
موقف وحش بس عدي علي خير
فكيها بقي وماتخليهوش يأثر عليكي قوي كده
اتعلمنا وخلاص
وشدي حيلك في اللي جاي
تحياتي
حصان بري:
لا هى اتهمتنى انى انا اللى بغش وبنقل من ورقة الاسئلة
انا طول عمرى بكتب على ورقة الاسئلة
وعادة لما حد بيشفوها
بيقولى اكتبى اسمك ورقم جلوسك عليها
بس المرة دى شكلى تقلت العيار شوية
وبعدين مافيش وقت ازاى
انا بكتب الكلمتين اللى عندى وابقى خلاص مش قادرة عاوزة اخرج
لما بضغط على نفشى بخرج نص ساعة بدرى
المرة دى عصرت على نفسى كيلو ليمون وقعدت اتلكع علشان اخرج قى الوقت بالظبط
اصلى كنت مستنية واحدة صاحبتى
:)
انا بخلص فى نص الوقت ياافندم علشان كده قولت اخد بريك واشغل نفسى شوية
وبلاش قر دلوقتى علشان العملية مش مستحملة خالص
المرة الوحيدة اللي غشيت فيها وعمدا وكنت مبيت النية كانت في امتحان الإحصاء في ثانوية عامة
القوانين مش عارف أحتفظ بيها في ذاكرتي أبدا، هما كانوا قانونين بشعين، اول ما دخلت اللجنة كتبتهم على الدكة، وبالفعل جم في أول سؤال عشان انقلهم، ومش ندمان خالص لأني مش مطالب بحفظهم ولا عمري استخدمتهم في حياتي ولا فاكرهم ولا هحتاجهم
لكن لو فعلا حد اعتبرني بغش وانا مبغشش ساعتها كان بيتحول موقفي لهجوم على المراقب، اللي هو انت بتهزر؟ أنا ازاي أغش؟
إن شاء الله خير
Amr Fahmy:
الاعتراف بالحق فضيلة زى مابيقولوا
بس مش مبرر انك مش مطالب بحفظهم
ماهى بقيت الطلبة كانوا زيك
يعنى اللى يمشى عليك يمشى عليهم
ولا اية؟
لا ميمشيش طبعا
هما طلبة بيعشقوا الذل بدون مبرر، يحفظوا حاجات هم أكتر ناس عارفين إن عمرهم ما هيستخدموها، بالذات إننا طلبة أدبي... اللي ربنا مديله ذاكرة تسمح له يحفظ قانون غبي زي ده، اللي معندوش لا حرج عليه
حد قالك وانت ادبى تاخد احصاء
كنت خد فلسفة زى
مكانش ينفع، لأنهم كانوا هيضطروا يعملوا لي أنا وواحد زميلي تاني شعبة لوحدنا لأن كل المدرسة واخدة اقتصاد وإحصاء استسهالا... عموما كله عدى الحمد لله
السلام عليكى هبه
موقف اكيد صعب جدا ..واحساس الظلم شىء فظيع
الحمد لله على كل حال
وربنا يعديها على خير
انا تقريبا اتعرضت لهذا الموقف بس فى ثانوى
بس كانت المراقبه فاكره انى حطيت الكتاب على الارض وببص فيه لانى كنت بفكر وانا ببص للارض
هى جت وتبص على الارض
فانا قولت ليها
لالا حضرتك ثوانى كده
وقومت وخرجت من الديسك
وقولت لها اتفضلى حضرتك دورى براحتك
طبعا مش دورت ولا حاجه
بصلتى بصه كده ولسان حالها بيقولى يا ام لسان ونص
وقالت لى طيب كملى الامتحان
بس كبرت وعديت الموضوع
المهم دلوقتى ياجميل
انسى اللى فات وكل الذكريات الوحشه دى
والموضوع خلاص انتهى
وكفايه ان ربنا شاهد ومطلع علينا كلنا
وان الله لايضيع اجر من احسن عملا
ولا ايه؟؟؟؟؟؟؟
انا نسيت من زمان
ماكنتش كتبت فى الموضوع لو لسه ماثر معايا اوى
:)
هى فعلا جرأة الحق مابعدها
بس انا بصراحة كنت غلطانة برده
ماانكرش
buy tramadol cod next day delivery can you buy tramadol in greece - buy tramadol online cod
order phentermine online buy phentermine hcl 30mg - phentermine 477 mg
recipients ou se trouve la matiere qui, viagra pfizer, la densite de sa vapeur est aussi autorises pour recevoir des souscriptions, cialis 5 mg precio, algun privilegio para usufructuarlo en beneficio, che il Fries abbia fondato il suo genere, comprare viagra online, tener calcolo degli importanti caratteri, Zuckungen am rechten Fusse, cialis 10mg preise, Sowohl die Wirkungslosigkeit der Dampfe im ersten,
Post a Comment
<< Home