WiLdBiRd

Saturday, February 23, 2008

كثيرا

كثيرا مايكون الصمت ابلغ من الكلام
حينما نفضل وحدتنا على مزيد من الالام
عندما تصبح علاقتنا مع العزلة برغم الكره انسجام
عن تراضى اختار كل منا الاخر بغير وئام
فعذرا ان كنت لن اتحدث كثيرا ولاانوى ان اناقش
فانا لا اريد غير ان اغمض عيناى قليلا لاهجر الاحلام
ولن أرى مناما او حلم بعدها يستدعى الكلام
فلقد رضيت من دنيتى انفاسا معدودة والسلام
فأنا أبكى اليوم عمرا مر كلحظة أمامى كشريط الأفلام
لم يعد لى منه غير ذكرى طريق وصديق ومجموعة من الاقلام
وهى الاخرى باعتنى فى لحظة
لا لا شئ غير أنى قررت فى لحظةأن امتنع عن الكتابة والكلام

posted by WiLdBiRd at 3:03 AM

9 Comments:

فعلاً يا دكتورة

أحيان كتيرة الواحد بيحسن انه مش عايز يتكلم

أو حتى يرد على اي كلام يتقال له

زهق حتى من مجرد الكلام

أنا أعتقد ان ده ملل و اكتئاب

من كل الروتين اللي حوالينا

و من كل الأحداث المكررة اللي بنعايشها من غير ما تجيب لينا جديد

من كل الصعوبات اللي بنعاني منها في حياتنا اليومية

بيتهيألي أنا كمان بمر بنفس الحالة و عدد مش قليل من زمايلنا اللي في نفس الفئة السنية

ربنا يستر على الشباب

بيتهيألي لو فيه حلم بتحلمي انك تحققيه

أو مشروع صغير تمشي فيه

طبعاً مش لازم يكون تجاري

المهم انه يكون تجديد في حياتك

و لو حتى رحلة لأي مدينة تانية

بيتهيألي ده ان شاء الله هيكون كفيل انه يخرجك من الحالة دي

و ربنا معاكي و معانا

February 24, 2008 at 11:21 PM  

أحيانا الصمت بيكون أبلغ من الكلام

وكتير بنحتاجه لأن مش بيبقي عند الواحد كلام يقوله

شكرا ليكي علي كلماتك الرقيقه دي واللي مستني جدا ومحتاج فعلا شوية صمت كتييييييييير عشان أعرف أرجع وأتكلم تاني

تحياتي

February 27, 2008 at 2:31 AM  

اوعي بس دي تكون مقدمة انك تبعدي و تبطلي تدوني

محتاجينك

February 28, 2008 at 12:28 PM  

الى الامام
تحياتي

March 9, 2008 at 6:12 AM  

طبعا اعجبني كثيرا كلامك يادكتورة
كثيرا مااسرتي عقلي بكلامك الذي يصل الي قلبي مباشرة
طبعا انت مش فاكراني

انا بقالي فترة مادخلتش علي البلوخ خاصتي

انا medozein

March 10, 2008 at 10:40 PM  

كثيرا يكون الصمت ابلغ من الكلام
و نادرا ما نجد ابلغ من هذا الكلام

مدونة راااااااعة بجد

March 18, 2008 at 5:32 PM  

zi.One :

والله يادكتور انت كنت جيت على الجرح

هو ملل واكتئاب وروتين

وهابقى اتكلم عن اللى حصل فى بوست تانى ان شاء الله

اما رحلة الى مدينة فده فى الخطة ان شاء الله


mahmoud farag:
أنت محتاج صمت؟
ده انت اكتر واحد بيسكت ومش بنشوف له جديد على المدونة


S H A H:

لا لا مش مقدمة انى ابعد ولا حاجة

انا لسه عايشة


أحمد سعيد بسيوني :

تكرم حضرتك على الزيارة


medozein :
طبعا فاكراك
وفاكرة المدونة
وشكرا جزيلا على كلامك
يمكن اوقات بنلاقى ناس تقول اللى احنا عاوزين نقوله
فنحس بيه


Esraa Hamed:

ربنا يكرمك على كلماتك الجميلة فى حق مدونتى
:)

March 20, 2008 at 12:15 AM  

bgd 3gbtny 2yoe l2ny lsa msadef el modo3 dah el nahrda ma3 anoh be7sl m3aya kol yom bs ely be7sl 2ny bb2a me7tag el o7da wa 2ny 2b2a lo7dy bs ll2s mbenfa3sh wa ka2n el 3alam kolo 2gtm3 2ny mkonsh lo7dy m3a nafsy wa zkryaty fe sa3et safa 2tklm m3a nafsy bsmty gayz tfhmny wa 2fhmha

April 4, 2008 at 1:37 AM  

N!GHT...

فعلا اوقات لما تبقى عاوز تسكت شوية
الناس مش بتسيبك

هو بيبقى اهتمام منهم
انهم مش شايفينك على طبيعتك

بس كلنا بنحتاج لحظات الصمت دى
يمكن بنحاول نسمع للصوت اللى جوانا

بنحاول نقيم نفسنا

او اننا بنتكلم كتير
لغاية ماقربنا ننسى اننا نسمع غيرنا

April 8, 2008 at 11:29 PM  

Post a Comment

<< Home