WiLdBiRd
Friday, July 6, 2007
قلق
احساس القلق ملازم لى منذ صغرى
لا اعلم حقا ان كنت اعتدت عليه ام هو من اعتاد علي
ولكن لا اجد تحسنا لتلك الاعراض التى تنتابنى
فما ان يزداد قلقى حتى اتوقع حدوث كل مايمكن تخيله
اعتقد ان عقلى الباطن يحاول ان يخفف من هول ماسيحدث
واعتقد ان الشئ الاسوأ لو حدث
فسيكون هذا اقل فظاعة مما يدور فى عقلى فى ذلك الوقت
فهل ترى استطيع يوما انى اتغلب على قلقى الداخلى
بالرغم أنى لا اشعر أنه خوف مرضى بدون سبب
بل حقا تكون هناك أسباب أراها عادة مقنعة
إما الاشخاص ذوى أهمية خاصة
او الاشياء لها مدلول قوى
اوقد تكون كلها حجج واهية
لأبرر قلقى
posted by WiLdBiRd at 1:22 AM
8 Comments:
هو قلق وبس
انا هعيط
دا الحجج مفيش اسهل منها والله
المدونة الطبية الجميلة المصاحب عنوانها بمدونتك
فيها موضوع عن طلبة الدراسة الجامعية ومدى اصاباتهم بالــ
Mental illness
اه يادماغى
ربنا يصبرنا
mental illness
هو فيه بعد اللى احنا فيه ده حاجة
معلش يارونا اكيد كأبتك
بس غصب عنى
انا عندى القلق ده وحش اوى
بس زى ماقولت مش من غير سبب
بس هو اكيد برضوه بيعملى مشكلة
صدقينى من القلق ما هو مفيد
وبالذات قلق الامتحانات
مش أحسن من ما يبقى عندك امتحان ومش همك خالص؟؟
يارب يكون عندك فى حدوده الطبيعية اللى تدفعك للأمام دايما ان شاء الله
فعلا قلق الامتحانات لازم يكون فى الحدود الللى تدفع للنجاح
مش للاحباط والفشل
كنت اقصد بقلقى هنا خارج نطاق الدراسة شوية لظرف مريت بيه
بس الحمد لله عدى على خير
بالنسبه لقلق الامتحانات فرائي ان ده طبيعي الي مش طبيعي الي انا فيه وهو انك متكونش قلقان من اي شئ انك تكون متخدر دايما ومش حاسس باي حاجه اما بقي بالنسبه لقلق عموما بعيدا عن نطاق الامتحانات ووجع القلب ده فسبيها علي الله طول ما الواحد قريب من ربنا يبقي خلاص كل شئ كويس دايما اذكري الله ده علاج حلو قوي للقلق بجد لو انا قلقت في يوم من الايام يعني هعمل كده .
علي فكره طريقة الكتابه كانت جامده بجد انتي بتعبري عن ناس كتير قوي
ربنا يكرمك
لجوءنا فى الاول والاخر لربنا طبعا
مافيش حد يملك حاجة من امره
لكن كلنا بشر
بالنسبة للامتحانات
الموضوع مش مستاهل لانى لو قلقت يمكن يحصل لى حاجة
وانا قولت عاوزة اطلع من الكلية سليمة
بالنسبة لطريقة الكتابة انا بعبر عن اللى جوايا
والارواح بتتشابه
والظروف بتجمعنا كلنا
فى حالات متشابهة
لاننا بشر :)
طالما انت بشر يبقى القلق
جزء طبيعي فيكي
وكون الافكار السوداء بتتزاحم وتتكالب عليك
دا زي انت ما قلتي ناتج عن
اهمية الاشخاص او الاحداث
بس القلق قاتل لما بيزيد عن حده
الحمد لله
روضت قلقي منذ زمن
القالق بيكون دايما مصاحب لانتظار شيء ماء
انا بقى بقيت علطول مهيأة نفسي لكل النتائج
سواء حلوة او وحشة
القلق مش هايغير شيء
هايتعب اعصابنا وخلاص
فانا
باتوكل على الله في كل شيء
باتوكل مش باتواكل
سلام واتمنى
تقدري تتغلبي على حالة القلق دي
فعلا لحظت موضوع ترويض القلق اللى انت عملاه ده
لما كنتى بتتكلمى عن حادثة السرقة
فعلا المفروض نكون مستعدين لحدوث اسواء حاجة
بس انا بقى بسيبها لوقتها
بتوقع الاسواء ده فى لحظتها
احاول اتغلب عليها
واتوكل مش اتواكل انا كمان
:)
Post a Comment
<< Home