WiLdBiRd

Sunday, June 17, 2007

اطفال....اطفال




شكل فكرتى اللذيذة الحلوة عن الاطفال هتتغير

بقالى يوم كامل

فى الطفل بدأ يحبوا امتى

وضحك امتى

وعرف ماما ولا لا

وغمز لعمو

وكلم خالو

وكان مولود كام سنتيمتر بقى

ومحيط راسه

لا ومحيط ذراعه

وكام سنة طلعت للنونو


انا كان مالى ومال الهم ده

دماغى قرب يطلع فيه عيل صغير

ده غير اللى بيلعبوا جوا دلوقتى




posted by WiLdBiRd at 9:58 PM 7 comments

Saturday, June 16, 2007

حبيسة المنزل

انا اتخنقت اوى وزهقت من قعدت البيت

مش متعودة اقعد طول المدة دى من غير مااخرج

واللى يزهق انى انا اللى عامله فى نفسى كده

او المذاكرة واحكامها

بس هاعمل اية

البيت تاديب واصلاح


من يومين اتنين خرجت وقولت حجة اروح الكلية

بصراحة كنت ماشية فى الشارع عاوزة اخد الناس

والشوارع والعربيات

بالاحضان

بالاحضان يابلدنا ياغالية



مش عاوزة ضحك من تحت لتحت

بس بجد الشارع وحشنى

اصل غريبة انى اقعد الوقت ده كله من غير خروج

حوالى اسبوع او عشر ايام

من اخر مرة كان عندى امتحان وخرجت مع صحباتى

المذاكرة وسنينها

ok



relax



breath slowly



take it easy



كانت شحنة زهق

وخلاص

:)



سلام




posted by WiLdBiRd at 9:49 PM 8 comments

Sunday, June 10, 2007

ثانوية عامة كلاكيت تالت مرة

للمرة التالتة فى بيتنا العزيز عندنا

ثانوية

ده وماحسبتش نفسى

لانى عمرى ماحسيت انى كنت فى ثانوية

ضغط الاعصاب والتوتر كله

حسيته مع اخواتى

ربنا يستر ويعدى الايام دى على خير


دعواتكم


posted by WiLdBiRd at 5:55 AM 4 comments

Monday, June 4, 2007


كما تنمو الازهار البرية على القمم الشامخة تتحداها

نموت انت فوق قمة آلامى لتزهر حديقة عمرى ياعمرى

كيف اجتزت هذه المسافات ووصلت الى تلك القمة ؟

لااعلم؟!

حذرتك من كل تلك الصعاب ولكنت تخطيتها

ووصلت حيث وعدتنى

جعلتنى احبك

نعم اقولها

بل برعت فى ذلك

حررتنى من الهروب منك اليك

واظهرت من ضعفى قوتك

فاتيت لتزيل تلك الذكريات

وتمحو كل ما فات

وتغمرنى بحب على مر السنوات


posted by WiLdBiRd at 9:27 PM 4 comments