WiLdBiRd
Saturday, July 21, 2007
ناس
ياما قابلنا ناس ولا عمرنا عرفناهم
وناس كتير لكن ولا حسناهم
.
.
فيه ناس تحيرك
وناس تغيرك
.
.
وناس مابين الزحمة حتى عنيها كرهاك
وناس برغم البعد جوا قلوبها شايلاك
.
.
ناس عايشة بتحسد فيك
وناس ماشية وخوفها عليك
...
شوف بقى انت مع اللى بيحبك
ولا اللى مستنى فى يوم يخسرك
.
.
.
لكن هاقولك رأي
خلى الحب كل اساس
حب الحياة والناس
.
.
حب الحياة
اصل الحياة لازم لها تتعاش
posted by WiLdBiRd at 7:32 PM
7 Comments:
بجد رائعه جدا جدا"فيه ناس تحيرك
وناس تغيرك" بجد حلوه قوي والحته بتاعت "شوف بقى انت مع اللى بيحبك
ولا اللى مستنى فى يوم يخسرك" فكرتني باغنيه قديمه لعبد الوهاب بتقول بفكر فالي بيعني وبنسي الي شاريني
في انتظار كلمات جديده منك بس تكون حلوه زي دي
الاحسن بجد من كلماتى تشريفك ومتابعتك لمدونتى
شكرا كتير على الكلمات التى اعتز بيها
علي طول الحياه بنقابل ناس
بنعرف ناس
وبنرتاح ويا ناس عن ناس
فيه ارواح بتتؤائم قبل حتي ماتتقابل
مدونه لذيذ يا وايلد بريد
شكلها هتبقي تحفه
تحياتي
حصان برى
حلو التوافق فى الصفة ده
شرفتنى بتعليقك
كلامك تمام
اعتقد ان الارواح اتقابلت فى مكان اخر
الله اعلم
اه نسيت اقول
يمكن الاسلوب فى كلماتى كان قريب لجاهين شوية
حبيت اوضح بس
لانى لقيتك كاتب له رباعية فى احد مدوناتك
:)
مش مهم كلامك متشابه مع كلام حد
المهم انه كلامك واحساسك
مش مشكلة انه طلع مقارب او مشابه لكلام اي حد
وفعلا الحياة لازم تتعاش
كدا كدا لازم نعيشها
يبقى زي انت ما قلت احسن حاجة
نعيشها على اساس الحب
علشان نقدر نستمتع بيها
الارواح جنود مجندة ما تعارف منها ائتلف وما تنافر منها اختلف
وفي مقولة بتقول
ان الحب والكره طاقتان ثمينتان
يبقى خلينا لو هاننفق يبقى ننفق طاقتنا في الحب احسن
اسلوبك ومعانيكي جميلة جدا
سعيدة جدا اني زرت مدونتك
اتمنى تتقبلي اني ازورك دايما
ما علينا:
انتى تشرفينى دايما فى اى مكان
وتكتبى الكومنت اللى انتى عاوزاه من غير بروتوكولات
:)
Post a Comment
<< Home