WiLdBiRd
Saturday, December 27, 2008
غنوة
البداية هى غنوة
والنهاية برضه غنوة
دمعة نزلت من حنين
تحكى انا مشتاقين
للنهار اللى جمعنا
ضحكة لمعت ليها عين
وابتسم ليها وجعنا
كل ده فى احساسل لغنوة
حتى أصوتنا اللى مالها فى الغنا
يوم نجمع بعضنا ونغنى غنوة
يضحك القلب الحزين
ينسى همه مع السنين
يفتكر كل الاغانى اللى سمعها
واللى عاشها
واللى كان ليها معا احلى ذكرى
غنوة حلوة قربتنا
غنوة تانية حيرتنا
غنوة بكتنا وغنوة فرحتنا
غنوة شوفنا فيها روحنا
واحدة نسيتنا جروحنا
غنوة يمكن مالها معنى
بس برضه ونستنا
غنوة وياها رجعنا
ننسى بيها اللى وجعنا
نفتكر ايام دلعنا
لما كنا صغيرين
غنوة صادقة بصوت حنون
عزفها كان ع القانون
غنوة وياها الجنون
بس مانستهاش فى يوم
اصل كان ليها حكاية
بدايتها هى غنوة
ونهايتها برضه غنوة
والنهاية برضه غنوة
دمعة نزلت من حنين
تحكى انا مشتاقين
للنهار اللى جمعنا
ضحكة لمعت ليها عين
وابتسم ليها وجعنا
كل ده فى احساسل لغنوة
حتى أصوتنا اللى مالها فى الغنا
يوم نجمع بعضنا ونغنى غنوة
يضحك القلب الحزين
ينسى همه مع السنين
يفتكر كل الاغانى اللى سمعها
واللى عاشها
واللى كان ليها معا احلى ذكرى
غنوة حلوة قربتنا
غنوة تانية حيرتنا
غنوة بكتنا وغنوة فرحتنا
غنوة شوفنا فيها روحنا
واحدة نسيتنا جروحنا
غنوة يمكن مالها معنى
بس برضه ونستنا
غنوة وياها رجعنا
ننسى بيها اللى وجعنا
نفتكر ايام دلعنا
لما كنا صغيرين
غنوة صادقة بصوت حنون
عزفها كان ع القانون
غنوة وياها الجنون
بس مانستهاش فى يوم
اصل كان ليها حكاية
بدايتها هى غنوة
ونهايتها برضه غنوة
posted by WiLdBiRd at 11:50 AM
11 Comments:
This comment has been removed by the author.
غنوه حلوه .. يوم ما جت عيني وقريتها
دمعتي نزلت وسالت ع الخدود
زي طير حسيت بروحي .. فجأه بعدت .. كسرت كل الحدود
أو فراشه في الربيع جايه تغني.. وجناحاتها رفرفت وسط الورود
شكرا لقلمك الجميل
القراءة الثانيه
والتعليق الثالث .. مشاغب بقه معلش
"البداية هى غنوة
والنهاية برضه غنوة
دمعة نزلت من حنين
تحكى انا مشتاقين
للنهار اللى جمعنا
ضحكة لمعت ليها عين
وابتسم ليها وجعنا"
ابتسم ليها وجعنا دي ملهاش حل والله ده غير الدمعه اللي نازله تحكي .. روعه روعه
"غنوة حلوة قربتنا
غنوة تانية حيرتنا
غنوة بكتنا وغنوة فرحتنا
غنوة شوفنا فيها روحنا
واحدة نسيتنا جروحنا
غنوة يمكن مالها معنى
بس برضه ونستنا"
بتحصل فعلا إن الواحد يسمع غنوه وميسمعش منها ولا كلمه لأنه عاوز منها ونس وبس .. الجزئيه دي على بعضها حلوه قوي .. بتتغنى بسهوله جدا
"غنوة وياها رجعنا
ننسى بيها اللى وجعنا
نفتكر ايام دلعنا
لما كنا صغيرين"
جميله جدا ... وطفوليه وهادئه
عايز اقعد اعلق بس خايف تزهقي من الشغب بتاعي وتطرديني
كفايه كده لدلوقتي
أريـــجــــاتــــو
يعني شكرا بالياباني ههههههههههههههه
انت تشاغب براحتك
مع انها مش مشاغبة ولا حاجة
رأيك يهمنى
ويهمنى انها عجبتك
أريــــجـــاتــــو
أريــــجـــاتــــو
أريــــجـــاتــــو
وأنا يهمني انى أقرا لك
ههههههههههههههههههه
كون إني رديت عليها في تعليقي فده أكبر دليل إنها عجبتني
تمنياتي بالتوفيق
جميلة قوى قوى قوى ياهبة ملهاش حل
بس فى سؤال اية بقى الغنوة اللى مالهاش معنى غنوة اية يعنى بالضبط !!!!!!!!!!!!
بيتهيالى اكيد عرفتينى
ربنا ما يحرمنا من كتاباتك وافكارك
مابلاش اقول احسن
الاغانى اللى بتيحى من عند الجيران دى مالهاش حل
زى ريحة الاكل بالظبط
اه يانا تعبانة منك يامونتى
الله عليكي يا هبة
جميلة جداا بجد..ورقيقة جداا ومعبرة جدا وصادقة جدا
خلاص هانت وتخلصى النسا ونغنى كتير
ونسمع أكتر
وبجد تسلمى هوبة
مبارك مقدما يا قمر
وننتظر عودة أقوى
SNOW PRINCESS
تسلمى لى ياقمرى
واحشانى جدا
شق القمر
خلصت ياستى
بس تقريبا هيغنوا عليا
Post a Comment
<< Home