WiLdBiRd
Saturday, April 19, 2008
Eye contact
حضرت ندوات ودورات تدريبية عن ازاى تكون
محاضر
او انك تقدم بريزينتيشن
presentation
ومهم جدا انك تعرف تعمل تواصل بصرى
او
eye contact
وبلاقى انى عامة بتقابلنى المشكلة دى
مش فى تقديم البريزينتاشن بوجه خاصة
لكن فى التعاملات بوجه عام
والمشكلة دى هى
انى اكلم حد لابس لينسس
طبعا الملونة مش الشفافة
عادة بفقدى تركيزى او مش بعرف اتكلم كويس
وبتجنب الآى كوناكت خالص
واوقات اعتذر للى بتكلمنى عن طريقتى معاها
بس مش عارفة اتاقلم مع الوضع
مش عارفة ده علشان انا درست رمد وعارفة بقى تفاصيل العين كويس
ولا دى حاجة معايا انى لازم اشوف عينين اللى بيكلمنى كويس
ولا العدسات بتشتت انتباهى ومش بركز فى الكلام
فبحاول اتجنب النظر مباشرة لها
تفتكروا حد عنده حل للمشكلة دى
او حد بيشاركنى نفس المشكلة؟
posted by WiLdBiRd at 11:44 PM
8 Comments:
مش عارف يا وايلد بس دايماً كنت بفكر يا ترى الطبيب عموماً بتبقى نظرته لجماليات الأشخاص الظاهرة زي نظرة غيره؟ يعني هل الدكتور يشوف عيون الناس جميلة أو أجسامهم رشيقة أو ملامحهم رقيقة أو أي حاجة كدة؟ ولا بيسرح في اللي خلف الظاهر ويتخيل الأنسحة والأوردة والأفلام دي؟
ده سبب في حد ذاته كان بيخليني أنفر من فكرة التعمق في دراسة الأحياء، نفور لاإرادي مش استهانة بالعلم يعني، مع إني كان نفسي أبقى طبيب بيطري، بس متخيلتش إني أشرح حيوانات عشان أعالجها
معلش طولت
حلو الموضوع جدا
أنا شايف إني لو كلمت حد لابس لينسز هيبقي الموضوع عادي جدا
بل إن الواحد لأنه دايما يحب يعرف المخفى عنه .. هيتمنى يعرف لون العين الحقيقى ايه
أنا المشكله معايا لما أقابل شخص يتعمد النظر في الأرض وأنا بكلمه
مش بعرف أكمل كلامي أو أخلص الموضوع لأنه بفعله ده بيشتتني جدا
متهيألي ده أصعب كتير جدا جدا من إنك تكلمي حد لابس لينسز
ولا ايه رأيك؟؟؟
Amr Fahmy:
اثرت نقطه مهمة
نسبا للاطباء يعنى اللى انا هبقى واحدة منهم
احنا فعلا بننظر للجمال منظور خاص
مش اعجابا بالشخص نفسه قد ماهو اعجاب بقدرة الخالق
ممكن نظرتك تبقى مختلفة بتعمقك فى الطب اكتر
لما تشوف حد احمر خجلا مثلا
هتبقى عارف اية الميكانيزم
هتعرف ان اللمعة اللى موجوده فى العين
دليل الحياة
ودليل اكبر لما تزيد على السعادة
مش شرط اننا نكون جامدين فى افكارنا مادمنا بندرس الجسم البشرى من منظوره التكوينى
مـحـمـود فـرج أحمد:
:)
اوقات ممكن اعدى الحركة دى زى ماناس كتير بتعديها لى
لانها فى اوقات مش بيبقى المقصود منها عدم الاهتمام مثلا بالحديث اللى بينا
بعديها لانى اوقات بيبقى ليا اسبابى الخاصة
لكن انها اصعب من حد حاطط لنسز
ده هيختلف من شخص للتانى
موضوع جديد..تساؤل يستحق ان نفكر في اجابة له
بس اتهيألى كدة ان الكزنتاكت لنس مش هتفرق قوى
بقول:اتهيألى !!
موضوع جيد..د.وايلد بيرد
عزيزتى هبة
عود بعد كدبة ظلت كثيرا فى الواجهه :)
الحقيقة انا اوقات بزهق من عدسات اللى بكلمه لما بلاقى عنيها محمرة من العدسة
او لما بحس بشكل عين غريب مش طبيعتها حاجة مشتته كده مش بحبها
واوقات لما يكون مزاجى رايق وعاجبنى اللون بيكون فى قابلية انى اعدى عادى
بس بيساورنى سؤال كبيير
وفضول معتاد
ياترى اللون الحقيقى ايه
وبرد باجابة واحدة
اكيد الاصل احلى طبعا :))
der Kaiser :
اكيد طبعا الموضوع بيختلف من شخص للتانى
فى ناس مش بتفرق معاها
ويمكن لان الموضوع ده مش موجود عند الشباب
احنا بنات فى بعض بقى واقدر اقول بتفرق
:)
شرفت د.أحمد
شق القمر :
انا ماكدبتش
:)
هى فعلا شكل المشكلة عند البنات بس يارنا
أزمة بقى
انا بردوا مش على طول
Post a Comment
<< Home