WiLdBiRd
Friday, June 6, 2008
دائما معا
كنا دائما معا ومازلنا
نتشارك لحظات الحزن
قبل لحظات الفرح
مذ عرفنا بعضنا
اتفقنا على الا نفترق
والا نبتعد
وان اختلفنا
فلتجمعنا المحبة
وان افترقنا
فلتجمعنا الذكرى
ومازلت اذكرك وتذكرينى ياصديقتى
تذكريننى بكل الخير
واذكرك بكل معانى الوفاء
بكل حروف الصفاء
بكل اشكال الابتسام
ولكن اين هى الان
ابتسامتك التى غاب بريقها عنى
بل غاب عن الدنيا
اصبحت ابتسامة حزينة
ابتسامة امرأة فى الثلاثين من عمرها
اجهدها الالم
واتعبها الفراق
اجدك ثابتة كما لم اعهدك من قبل
فكم كنتى مدللة
ولكنه الحزن وحده
يثقل كاهلنا
ويضيف الى ملامحنا اعواما عديدة
خشيت عليك الانهيار
فحمد لله انك خيبتى ظنى
وها هى الدنيا وهذا حالنا
فلتداوى جراحك يامحبوبتى
فمازلت دائما معك
اشاركك كل لحظات الحزن
قبل لحظات الفرح
posted by WiLdBiRd at 9:20 PM
16 Comments:
مش عارف ليه يا وايلد بيرد .. الفتره دي كل الناس حزينه؟؟
هو ايه اللي مخلي الناس كلها حزينه كده والألم بيهد قلوبهم
بصراحه .. الموضوع طالب حمله لمكافحة الحزن والألم .. حاسس إن الناس أدمنتهم
أعود للتدوينه
"وان اختلفنا
فلتجمعنا المحبة
وان افترقنا
فلتجمعنا الذكرى"
حلوه قوي الحته دي .. شايله جواها كل ما يجب علي الصديق أن يحمل لصديقه من مشاعر .. بجد بجد روعه
تقبلي تحياتي
(نتشارك لحظات الحزن
قبل لحظات الفرح
مذ عرفنا بعضنا
اتفقنا على الا نفترق
والا نبتعد
وان اختلفنا
فلتجمعنا المحبة
وان افترقنا
فلتجمعنا الذكرى)
ايه الروعة دى ياهبة
بس كمان ايه الحزن ده
خضتينى عليكى يابنتى
الكلام مؤثر اوى وواصل اوى اوى
حسة ان فعلا زى الدكتور محمود ماقال الفترة دى فيها الناس كلها حزينة
حلو اوى ان اتنين اصدقاء يصروا
على ان يكون بينهم ذكرى مهما كان حتى لو مش مع بعض
متزعليش ياهبة باذن الله هتفضلى انتى وصديقتك مع بعض العمر كله وتتشاركوا كل لحظاتكو سوا
اشوفك على خير ياجميل
وتكونى بخير وسعيدة ان شاء الله
حبيبتى
ربنا يبارك فيكى
وحشتينى
ياااه التوبك ده حصلي كل كلمه فيه بس انا الي كنت ثابت مش صحبي او الي كان صاحبي تخيلي بقي اني لغايه دلوقتي بقول صحبي
(حاولي تفتكري الايام الحلوه من غير ما تحني لصحبتك او للي فرقتيه)
عموما ده كان ما علينا من الي كان وخلينا فالي جي ياريت يبقي مفرح اكتر لان الي فات مكنش قد كده والحمد لله علي كل شئ
روقي وارجعي اعملي حمله ضد الحزن زي ما الاخ محمود قال
بجد التوبك جامد جدا وحسيته جدا رغم الحزن الي فكرني بيه
بجد يابخت صحبتك بيكى
يارب يجمعكم فى الاخره زى ما جمعكم فى الدنيا
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
لقد لمستي وترا .... في قلبي
يارب تكوني فاكراني
http://www.medozein.blogspot.com/
ممممممم مش عارف سبب غيابك يارب يكون خير بس كده طال غيابك بجد
هي دي كانت فراق لينا احنا ولا ايه يارب ترجعنا بالسلامه
مـحـمـود فـرج أحمد:
ياريت تحمل راية الحملة دى بجد
:)
والجزء اللى عجبك قصدته
وده لانه حصل معايا
something like love:
حبيبتى
واحشانى
صحيح انا شايفاكى قريب بس وحشتينى برضه
اجمل حاجة انك لما تحبى حد حتى لو بعدتى عنه
هتفضل معاكى كل ذكرى حلوة بينكم
شق القمر:
انتى كمان يارنا
N!GHT :
لازم مع الذكرى قليل من الالم
ماينفعش نفتكر اللى بنحبهم ومش نحن لهم
حتى لو جرحونا
بس انا حزنى على فراقها مش على جرح كان بينا
dr.nour :
يابختى انا بيكم
medozein :
كويس انه مش وتر مش وجع
:)
اكيد طبعا فاكراك
N!GHT :
ده انا لسه بتكلم على الفراق
يبقى تفتكر هفارق ناس عرفتهم كده بسهولة
او بمزاجى
انا بحاول ارجع
حج مبرور و سعي مشكور و ذنب مغفور يا أسامة
Post a Comment
<< Home