WiLdBiRd
Wednesday, October 10, 2007
لسه بدرى ياشهر الصيام
فعلا لسه بدرى
مستغربة ازاى ناس مستعجلة ان الشهر يخلص
اه واحنا اطفال كنا بنبقى فرحانين ان العيد هيجى
على اعتقاد ان العيد ده برضه شخص
زى ماكنا بنفتكر رمضان شخص برضه
وكنا لما نشوف حد فى عمرنا فاطر واحنا صغيرين
نقوله رمضان هيضربك
على اعتقاد ان رمضان ده شخص وله روح
لما كبرت فهمت انه فعلا له روح
احلى روح بتحمعنا على الفطار
وبتزرع الرحمة فى قلوبنا
بتخلينا مش عارفين نستطعم الاكل فيه
واحنا حاسين ان فيه حد مش عنده
حتى القليل يفطر عليه
احلى روح يارمضان
جمعتنا وقربتنا
ولمتنا فى مكان واحد
ووقت واحد
بنفس الاذان والدعاء
وان اختلفت اللهجات
والله
بعودة يارمضان
posted by WiLdBiRd at 11:42 PM
13 Comments:
كل سنه وانتي طيبه وايلد بيرد
بس عايز أقول لك حاجه
أنا زعلان منك
آه زعلان
لأني تعودت منك الحوار علي المنتدي
وتييجي تقولي مكنتيش هتردي لو أني اكملت تقاريري السريه
أكتر حد زعلت انه مردش هو انتي لأني عارف انك بتمري علي مدونتي كتير والغريب انك مرديتيش
بس أقول لك ايه
كل سنه وانتي طيبه وبإذن الله نكون هنا العام القادم ويكون أجمل ونكون فيه أقرب الي الله
فعلا رمضان دايما له جو مختلف وجميل
وكل سنة وانتي طيبة يا وايلد بيرد
وعيد سعيد عليكي حببيتي ان شاء الله
والله لسه بدرى والله يا شهر الصياااااااااااااااااام
:)
كل سنة وانتى طيبة يا هبة
رمضان فعلا هيوحشنا أوى
ومن بكرة
هتوحشنا لمة المسجد والاصحاب الجدد اللى اتعرفنا عليهم فى أطهر مكان
ياااااااااه
ربنا يعود علينا الأسام دى بسرعة ياااااارب
وعساكم منا عودة
وألف مبروك على النتيجة
:)
اه لسه بدري
بس خلاص بقى
كل سنة وانتي طيبة
عيد سعيد
كده هعيط هوبة
مش لانتهاء الشهر لكن لافتقادى رمضان هذا العام
مؤلم جدا
وبصراحة حاسة ان شيطانى بدا يداعبنى تانى
ربنا يحفظنى
يلا بكرة العيد وهنعيد
وندبح الشيخ سيد
ونحطه فى الأروانة
وندب عليه بالخرزانة
هههههههه
دا كلامنا واحنا كنا صغيرين ولا يزال كلام الصغار أيضا
كل عام وانتم بالف خير
وحشتينى هووبة
mahmoud farag
وانت طيب ياافندم
اما عن الحوار
هو انت يعنى اللى كاتبه؟
علشان تطلب الحوار
ابلغ رد هو عدم الرد
تقدر تقول نفور من الكلمات من بدايتها
SNOW PRINCESS
اكيد
وعلى مراحل اعمارنا المختلفة كمان
بنحس بيه فى كل مرحلة بطعم مختلف
وانتى طيبة ياسنو برينسيس
Casper
اكيد هيوحشنا
ويارب نلحق رمضان الجاى
ويكون احسن من رمضان ده كمان
ويكون لمة اكتر واكتر
يارب تكون دعيت لنا فى الاعتكاف
الله يبارك فيك
شق القمر
لا يارونا ماتعيطيش
وبلاش سيرة الشيخ سيد
علشان انا فضحت مراته طول الليل
;)
بهدلتها يعنى
كل سنة وانتى طيبة ياقمر
sahr
ايوة خلاص
وانتى طيبة دايما
فين جديدك يا هبة؟؟
يارب يكون التأخير خير
:) كل سنه وانتي طيبه يا هبه
كل ثانيه وانتي طيبه يا بوبه
Casper:
كنت زعلانة بس على العصفور
واهو استنيت لما كتبت حاجة جديدةعليه برضه و نزلتها
حصان بري:
وانت طيب يادوك
بس كفاية دلع بقى احسن الرقابة المرة الجاية هتمنعه
;)
Post a Comment
<< Home