WiLdBiRd
Sunday, April 29, 2007
كرسى...ومدفئة
كرسى ومدفئة
كرسى .....ومدفئة
وكوب من الشاى
وعين تنظر الى الشباك
تنظر الى قطرات المطر
لاترى شيئا ولكنها تنتظر
أن تعود اليها يوما
يامن تركتها بلا سبب
وهجرتها بلا عتاب
ورحلت ونسيت الاحباب
أم ترى السنين انستك
من كانت يوما بكل البشر
ورحلت وتركتها وحيدة
حتى انك لم تاخذ القصيدة
ألتزيد عليها حجم الذكريات
أم لتنسى أنت كل مافات
Monday, April 23, 2007
أحببتهم
.jpg)
كانت لنا كل الدروب على الطريق شهودكانت لنا سحب السماء دليل
أحببتهم والقلب ذاب بحبهم
وأنا لهم صديقة واخت حنون
كما علمونى ان اكون كأمهم
كم اثقلونى بالهموم وحبهم
وكلما زاد اضطرابى وغضبى احببهتم
اليوم مرت سبع سنون
ومازلنا معا ولحبنا نصون
ولكن اين انا غدا واين هم يكونون
انا وهم بالتاكيد مدركون
لانهم فى قلبى مستقرون
بعقلى يحلقون
وفكرى يشغلون
ليس بكلام ولكن
قلوبنا كانت دائما على العهد لاتخون
**************
كلمات كتبها من سنتين تقريبا
لصديقات ثانوى
على امل انى استرجع بيها احلى ذكريات مرت فى حياتى
وكل واحدة فيهم بقت فى حياتها الجديدة
احدهما اصبحت أم
والثانية على وشك
ربنا يجمعنى بيكم دائما على خير
Wednesday, April 18, 2007
اكتب ولا .....لا
اخدت وقت شوية على مابدات اكتب فى البلوج
طبيعى لانى مترددة جدا فى اى خطوة اخدها
بالنسبة لى مش جديد عليا انى اكتب
مانا بكتب من زمان
مش اوى يعنى
بس من اعدادى
ومش بكتب دى يعنى بألف قصص وروايات ولا بكتب كتب
لا
هو بس تدوين لاحداث يومية
واخراج لاى حالة جوايا على الورق
زهقانة
فرحانة
مترددة
متضايقة
بس اقرب صديق ليا من الاشياء يعنى
هو قلم وورقة وكتاب
ومع التكنولوجيا الحديثة
بقى كيبورد وشاشة
مصير اللى اى حاجة بكتبها قبل كده
الزبالة
لاحساسى بانها حالة وخرجت
لكن دلوقتى لما اكتب على بلوج الموضوع هيفرق اكيد
فى ناس هتقرا
طيب مين برضوه يهمه يقرا كلامى
او تدويناتى الشخصية
اللى اكيد بيكتبوا وانا برضوه بقرا لهم
اكيد هستفيد منهم
بس الله اعلم هما هيسفيدوا باية منى
