WiLdBiRd
Sunday, August 12, 2007
تاج
جااااااااالى تاج
من
جميلة بوحريد
ماعلينا
الف شكر ليها
انا من اول مادخلت عالم المدونات وانا بسال اية التاج ده
وللى مش عارف
هو مجموعة اسئلة بتمرر وبيجاوب عليها المدون
بما انى بعتبر نفسى دلوقتى واحدة من المدونين
D:
بس تستحملوا بقى علشان انا بتكلم كتيييييير
من
جميلة بوحريد
ماعلينا
الف شكر ليها
انا من اول مادخلت عالم المدونات وانا بسال اية التاج ده
وللى مش عارف
هو مجموعة اسئلة بتمرر وبيجاوب عليها المدون
بما انى بعتبر نفسى دلوقتى واحدة من المدونين
D:
بس تستحملوا بقى علشان انا بتكلم كتيييييير
يللا نبدأ
اسم مدونتك؟
wildbluebird
لماذا اخترته... ومانيتك وراء اختياره؟
أولا علشان انا بحب الطيوراكيد
بس بجد احساس انك تبقى طاير
مافيش حواليك غير الهوا بس ورجليك مش لامسة الارض
احساس رائع
مع انى ماعشتهوش بس حسيته
:)
يعنى ماجربتش اطير قبل كده
بقى wild
اولا انا كان اسمى
lovelybird
ودلوقتى وايلد
ده مش تغيير فيا
بس انا بعتبر انى اوقات ممكن يكون فيا الشئ ونقيضه
بس النقيض اللى يحفظ التوازن الطبيعى
يعنى انا مش على طول لافلى
اوقات ببقى ببقى شرسة يعنى
لكن سيبكوا من كل ده
علشان العصفور الامور العضاض اللى اختى اديتهولى
معلش برضوه مش عارفة احط صورته فى الموضوع
هابقى احطها فى جنب المدونة
صورتك فى المدونة رمزيتها؟
فى الاول كنت حاطة صورة حمامة زرقاء وعنيها حمراء
كانت بالنسبة لى غريبة ومخيفة
بس شيلتها وحطيت الصورة اللى انتوا شايفنها دلوقتى
طبعا واضحة
هل فكر ت فى اغلاق مدونتك والسبب؟
اه فكرت كتير
لما بقعد فترة كبيرة مش بكتب
وده اما بسبب الوقت او بسبب انى مترددة شوية
حد قل ادبه فى التعليق..اية رد فعلك؟
هتضايق جدا لانى معتقدش انى هاكتب مواضيع ممكن الرد عليها يكون سئ للدرجة دى
بس لما توصل لكده
يبقى اكيد هديليت التعليق
وده ممكن يبقى سبب للسؤال اللى فوق
انى اقفل المدونة
اسوأ مدونة؟
انا بفضل ادخل من هنا لهنا وادور فى المدونات
اكيد بوصل لمدونات افكار اصحابها مش تمام يعنى
هايحصل اية للايميل لما تموتى؟
هيموت بعدى بشهرين
اديتى الباسورد لحد قبل كده؟
لا
بس ايميل اتاخد منى قبل كده بحركة هاكر هزار
بس اتضايقت اوى لانى بعتبره حاجة شخصية
مش لازم يكون فيها اسرار
زى شنطة ايدى بعتبرها حاجة شخصية يعنى مش اى حد يبص فيها
اسمك؟
هبه
عمرك؟
22
كبرت اوى انا عارفة
برجك؟
لو علشان حظك اليوم يبقى مش هاقول
:)
مجال دراستك؟
طب بشرى انتوا مش شامين ريحة جث ولا بنج
السفر بالنسبة لى؟
من اول الصحبة حتى لو كنت لوحدى
البيوت
الاراضى
الكبارى
النيل
البحر
الجبال
المحطات اللى بنزلها لو راكبة قطر
البلد اللى رايحها بناسها
كل ده غير السبع فوايد
;)
يعنى بستمتع بكل لحظة فيه
المود بتاعك؟
ممكن كتير يبقى عكس اللى جوايا
يعنى مبسوطة اغلب الوقت
علشان مابحبش اضايق حد
وقت فراغك بتعملى فيه اية؟
مش هاقول النت علشان النت فى كل الاوقات
لكن اشوف صحباتى
اروح لتيتا وخالاتى
اخرج
اتعلم حاجة جديدة
الاكلة المفضلة؟
بمووووووت فى البسلة
الصفات اللى اخدتها من بابا؟
الروح
مش عارفة هى التركيبة كده واحدة
اللى كان نفسى اخده
هدوء بابا ودبلوماسيته فى التعامل مع المواقف
الصفات اللى اخدتها من ماما؟
دماغى ناشفة اوى
اكتر ست حاجات بكرهها؟
الخيانة
الظلم
الكدب
التكبر
التطنيش
ولما حد يفتكر انه هيستعبطنى
لماذا دخلت عالم التدوين من الاساس؟
اولا بداية معرفتى بالمدونات كان عن طريق بابا
كان عنده برنامج اسمه
deebo reader
كان دايما يقولى ابقى نزليه عندك
بدات اتابع بعض المدونات
وحبيت اشارك
حسيت انى عندى كلام كتير
لكن حتى الان المواضيع اللى اتنشرت اقل من اللى المحفوظة
أحلى جملة قيلت فى وصف مدونتك؟
هى ماكانتش فى وصف المدونة
لكن عن التدوين عامة
وان اللى هستفيده منه احساس المشاركة وده اللى انا عاوزاه
التعليقات بالنسبة لك أهميتها؟
مهمة طبعا
كل كلمة اتقالت كرد سواء معايا او ضدى او نقد ليا بطريقة كويسة
انا برحب بيها
وتعنى لى كتير
أحلى بوست كتبتيه؟
مافيش بالنسبة لى احلى
لانى عامة مش بكتب مواضيع فى مجله
يعنى انا مش صحفية
انا بكتب عن نفسى
فبالتالى كل موضوع له اهميته
أفضل مدونة قرأتها؟
لا فى كتير اوى
أفضل بوست؟
عامة انا بحب المواضيع اللى بتتكلم عن حياة شخص والمواقف اللى بتقابله
لان ده فى نظرى احسن طريقة ممكن نعيشها ونتعلم بيها
الشغل بالنسبة لك؟
بما انى فى مجال الطب
فاعتقد هو اكبر بكتير من ان يكون طريقة كسب مادى
فى الاساس ماكانش ده هدفى
الانترنت بالنسبة لك؟
وسيلة تفاعل واندماج
وبجد ابدا عمرى مابعتبره تسلية
ياه كل دى اسئلة
انا كتبتهم على مرتين على ماخلصت
وهاعملك زيك ياجميلة
التاج ده لكل الناس اللى عندى
Casper
Rona
قصائد مبعثرة
Noor El-madi
فارس قرطبة
حصان برى
sabsoob
طبعا اللى فاضى فيكم
بما ان كلكم تقريبا طب
فبراحتكم خالص
انا مش مستعجلة
ولو فيه اى حد مش متضاف عندى وله كومنتات يدخل ياخد التاج
براحته خالص
بس يبقى عليكم تاج
:)
posted by WiLdBiRd at 10:04 PM
20 Comments:
هبة
اخيرا عرفت اسمك
ايه بس الاجابات التحفة دي يا هبة
و جثث و ميتين و بسلا ايه بس الجو الرومنسي الجميل ده
انا كنت هدمع خلاص
وبعدين انتي نسيتي اهم اجابة بجد اللي دايما ببص عليها اول حاجة
برجك
بس طبعا مش عشان حظك اليوم
كل تاج و انتي طيبة يا جميل
أول كنت متخيل إن صاحب المدونة ممكن يكون ولد
إجابات مسليّة
التاج جميل
عليكي اوي يا هبه
انتي قلتي هاتتكلمي كتير
انا قلت بقى اقعد واستربع
ضحكتي على
كان نفسي تتكلمي وترغي كتير بجد
مبروك عليكي التاج
يا دكتورة هبة
shah:
هبه ولا وايلد بيرد
كلها مسميات لكن المضمون هو الاهم
ومش عاجبك الجو الرومانسى
دى الريحة فاحت من بدرى
انا مانسيتش برجى انا طنشته
وانت طيب ياشاه
Amr Fahmy:
ههههههههه
ضحكتنى
كنت فاكراك اذكى
بس هى شكلها مش موضوع ذكاء اكتر منها.....
زى ماقولت المهم المضمون بس انا
قولت اقول علشان لو هتطلعولى بطاقة المواليد ولا حاجة
يبقى انا هاخد البطاقة الروز
غير كده لا يعنينى انى اكون ولد او بنت
واية اجابات مسلية دى؟
حسستنى انى واقفة ابيع فشار و حاجة ساقعة قدام السينما
شرفتنا ياافندم
:)
ما علينا:
انا ماضحكتش عليكى
انا اختصرت البوست ده الى اقصى درجة علشان افضل بنفس المضمون وكتبته على يومين
المرة الجاية نرغى انا وانتى للصبح بس بينى وبينك بقى
;)
حبيبة قلبى وآنستى الرقيقة العفوية هبة
من الاخر كده ردك كما تعودت وانتظرته منكِ بجد حكيم وعقلك جميل تبارك الله
بس اوعى برجك يطابق برجى
تكرمى حبيبتى ان مررتى التاج علىّ
ناخده منك السنة الجايه بقى
:))
انا اسفة للتاخير لاسباب خارجة عن معرفتى بالنت والدى اس ال
الله يسامحهم اللى عبالى
اسوفك على خيييييييييييير
يبقى أولا ألف شكر لجميلة بو حريد
:)
عجبنى أوى موضوع التناقض
وخصوصا ان اسمك هنا
wildbird
وعلى المنتدى
lovelybird
كلنا كده وان أنكر البعض هذا
وده اللى درسناه فى الطب النفسى
--------
بسلة؟؟؟؟؟؟؟؟؟؟؟
طيب
----------------
النت فعلا عمره ما كان تسلية فقط
بجد تحياتى عالجملة دى
وبرضه الاستنتاجات طلعت صح
;)
لا ما أنا أكيد أدركت إن المدونة لبنت من تاني زيارة مثلا، بس مكانش حاجة مهمة
فشار؟ مثلا
Rana Degheidy:
يارونا مش عارفة اية حكاية الحكمة دى
انا مش حكيمة انا طبيبة ان شاء الله
:)
ويلا بقى ماتاخريش التاج
Casper:
طيب جميل
واية مش عاجباك البسلة ده انت حتى نباتى
انا فى البيت قربوا يكرهوا البسلة ويحرموها من كتر ما ماما بتعملها علشانى
يللا بقى خير
ومش عاوزين نقر بقى على الاستنتاجات
:)
صحيح الديزاين ده جديد ولا انا بيتهيألي؟؟
هزعل لو قلتي لا
كدة الزهايمر بدأ يزحف مع عوامل تعرية السن
بس بردو مبروك الشكل الجديد
الاهم
طمنيني على الامتحانات اخبارها ايه؟؟
نبارك؟
s h a h :
احم احم
ده مش زهايمر ياافندم
ده اثر شارومة الفراخ
نفس الديزاين ده باركت لى عليه فى بوست
ملكة جمال
انت ناسى بس
:)
اما بالنسبة لمبروك التانية بتاعة انى خلصت الامتحانات
فلا لسه بدرى اوى
يدينا ويديك طولة العمر ان شاء الله
ل 20/9
ازيك يا بوبه؟
معلش انا تبت عن التاجات من فتره
عارف احساس اول تاج بس بعد كده هتوبي صدقيني:)
ونرد بقي علي التاج العسل ده
اولا انا كان اسمى
lovelybird
ودلوقتى وايلد
ده مش تغيير فيا
بس انا بعتبر انى اوقات ممكن يكون فيا الشئ ونقيضه
ممكن كتير يبقى عكس اللى جوايا
بغض النظرعن اني لسه مارفعتش قضيه علشان الاسم
بس مش عارف ليه مصممه علي الجمله دي؟
كلنا جوانا متناقضات
وده مش عيب طالما مازادش عن الحد
وطالما متصالحين معاها
يعنى مبسوطة اغلب الوقت
علشان مابحبش اضايق حد
اها هو انتي منهم؟
انتي اكييد من عالم تاني من عالم تانيييييييييي
بمووووووت فى البسلة
:) شكلنا هنخسر بعض
صجيج انتي عيد ميلادك امتي؟
اجاباتك حلوه قوي وبسيطه يا هبه
وتدل علي شخصيه بجد طيبه
تحياتي يا ايها الطائر البري
وسلام
حصان برى
فينك ياافندم
اوعى تكون انت كمان بتمتحن؟
:)
بالنسبة للاسم فانا مش هتنازل عنه
انت كده هتخلينى افكر اسجله باسمى فى الشهر العقارى
بلاش نعمل مشاكل مع بعض
احنا ولاد كلية واحدة
وبعدين انت زعلان ليه كده من البسلة
اكيد حد قايلك حاجة وحشة عليها ولا حاجة
اما عن الطيبة
فاحنا قولنا انا مش طيبة خالص خالص
امال وايلد دى بتعمل اية
يعنى مش هتعرف تاخد منى اسمى ..
تلته كفاية عليك
;)
واو اجابات رائعه او اكتر من رائعه بجد ومن غير مجامله تستهلي تاج الملكه نفرتيتي هههههههههه
السلام عليكم د هبه
لم أمر بمدونتك منذ فتره وهذا والله يعلم أنه ليس خطأي
أنا حاليا من مرتادي السيبرات
دعواتك لجهازي
واسف جدا لأني لم أجيب التاج الذي وجهتيه لي ... اعذريني لكنني سأجيبه قريبا
أجاباتك جميله جدا وحلوه حته حظك اليوم دي
اللهم لا تجعلنا من المتطيرين
تحياتي لك
N!GHT;
لا لا نفرتيتى اية
بيقولوا ولا هى ولاحتشبسوت انا كانوا حلوين خالص
دى شهرة بس
انا كفاية عليا التاج اللى انتوا مشرفينه ده
نورت
:)
mahmoud farag
ربنا يشفيه الكمبيوتر بتاعك
والتاج منتظرك ماتقلقش ابدا
مش هاديه لحد تانى
:)
ردود جميله ياهبه
واسم عجبني قوي
Post a Comment
<< Home