WiLdBiRd
Wednesday, April 18, 2007
اكتب ولا .....لا
اخدت وقت شوية على مابدات اكتب فى البلوج
طبيعى لانى مترددة جدا فى اى خطوة اخدها
بالنسبة لى مش جديد عليا انى اكتب
مانا بكتب من زمان
مش اوى يعنى
بس من اعدادى
ومش بكتب دى يعنى بألف قصص وروايات ولا بكتب كتب
لا
هو بس تدوين لاحداث يومية
واخراج لاى حالة جوايا على الورق
زهقانة
فرحانة
مترددة
متضايقة
بس اقرب صديق ليا من الاشياء يعنى
هو قلم وورقة وكتاب
ومع التكنولوجيا الحديثة
بقى كيبورد وشاشة
مصير اللى اى حاجة بكتبها قبل كده
الزبالة
لاحساسى بانها حالة وخرجت
لكن دلوقتى لما اكتب على بلوج الموضوع هيفرق اكيد
فى ناس هتقرا
طيب مين برضوه يهمه يقرا كلامى
او تدويناتى الشخصية
اللى اكيد بيكتبوا وانا برضوه بقرا لهم
اكيد هستفيد منهم
بس الله اعلم هما هيسفيدوا باية منى
posted by WiLdBiRd at 2:37 AM
16 Comments:
اكتبى
أنا عن نفسى مابعرفش أكتب
وكانت اول مرة اكتب حتى بينى وبين نفسى كانت على البلوج اللى حضرتك نورتيه
المهم انا كنت بنصحك تكتبى لأنك هتحسى احساس المشاركة مع ناس بعيد عنك شوية
واكتبى كمان لأن بان من أسلوبك انك شخصية ممتازة وانا عن نفسى مهتم أعرف أكتر عن الشخصية دى
اكتبى....ولكى منا جميعا كل تأييد
فكرت أصلا أكتب لماذا يجب الندوين، التدوين مش إخراج كل حاجة بداخل الواحد، هو شبيه جدا بفكرة الباب الموارب، اللي هو حاجة نحب الناس تشاركنا فيها ويلمسونا فيها وفي نفس الوقت مش مفروضة على حد، بمعنى ان اللي مش عايز يقرا ميقراش المدونة دي وخلاص ، لأن المسألة مش عرض وطلب أبدا
فيه حاجة تانية أنا مستغرب إن صاحب(ة) التدوينة السابقة اللي دعى للفخر الذاتي وآمن بمعجزة كل فرد على حد هو هو من يتردد في قرار بسيط زي التدوين، علما بأن البلوجسفير مليان ناس عادية زينا وعباقرة وكلاب بحر بردو، وهي فكرته التعددية والطرح والتداول، فأقصد يعني إنه مش برلمان أو منتدى فكري الواحد داخله عشان يتردد ويقول هقول إيه وأقول ليه
هى لافكرة عرض وطلب ولا حاجة
هى احترام لعقول اللى الناس اللى قدامى
وانا مش عاوزة اتعامل مع ناس عادية ولا عباقرة ولا التالتة دى
انا عاوزة ناس فاهمانى مش اكتر
وبالنسبة للتردد
ده انت لسه ماشوفتش حاجة
الموضوع الجاى هيوضحلك اكتر
لكن لو كل كلمة هاكتبها او حاجة هحسها هلاقى عليها كومنتات كده
يبقى الورق اضمن بقى
:)
في رأيي احترام عقول الناس ييجي من بثهم اللي بداخل الواحد طالما بيحسه بدل ما يختلق شيء غير اللي حاسه
بالنسبة للتعليقات، فيه إمكانية وانت بتكتب بوست إنك تمنع التعليقات عليه، وبالتالي مش كل حاجة يبقى عليها تعليقات
، ولو إن التعليقات دي ضريبة التدوين، فإن كان من حقك أن تدون فمن حقي أن أعلق
أكرر يمكن إلغاؤها :)
اه مانا واخدة بالى انى يمكن الغاؤها :)
ute
أسف عالمشاركة السابقة الغير مقصودة
نصيحتى لك أن تكتبى ولا تهتمى الا بالتعليقات التى الغرض منها الافادة ولا أكثر
فالدنيا مليئة بحيوانات الراكون الذين يتفنون فى اخراج رائحتهم الكريهة بشتى الطرق
نصيحة لكى خذى منهم ما يفيد وتجاهلى رائحتهم الكريهة فأنتى بتجاهلك هذا تثبتى حقيقة يعترف بها الجميع أنك أفضل منهم بمراحل فى عيون الناس
وما يتضح من أسلوب كتابتك فى هذه التدوينة أنك سيكون لكى كتابات مميزة باذن الله
وفقك الله أبدا يارب
وفى انتظار المزيد
شكرا لمرورك فارما وردك على التدوينة
لكن انا مش مع التشبيهات اللى انت قولتها
لكن مش عارفة
دى بقت سمة عامة للتدوينات وهى التشبيه للبعض بالحيوانات فى صفاتها
لا يهم من سيعلق وبماذا سيعلق
ولكن المهم انى سعيدة بتشريفكم جميعا وردكم عليا
سواء هذا الرد هيرضينى او لا
لكن بالتاكيد هستفيد منه :)
I am unwritten, can't read my mind, I'm undefined
I'm just beginning, the pen's in my hand, ending unplanned
Staring at the blank page before you
Open up the dirty window
Let the sun illuminate the words that you could not find
Reaching for something in the distance
So close you can almost taste it
Release your inhibitions
Feel the rain on your skin
No one else can feel it for you
Only you can let it in
No one else, no one else
Can speak the words on your lips
Drench yourself in words unspoken
Live your life with arms wide open
Today is where your book begins
The rest is still unwritten
Natasha Bedingfield - Unwritten
التدوينة فكرتني بالأغنية دي
المهم يعنى خير؟
:)
يجب أن تكتبي
احلي حاجه في الدنيا الكتابه
أنا شخصيا
أحمل دوما قلم
وممكن اكتب علي اي ورقه
أذكر أنني كنت أقضي بعض المصالح وجاءت لي بادرة قصيده ... حاولت حفظ ما خطر لي بتكراره وذهبت مسرعا لأشتري قلم وجبت ورقه قديمه ومكتوب فيها وكتبت في ظهرها حتي لا أنسي ما خطر لي بل وزدت عليه حتي أتممتها قصيده وتظل من أقرب ما كتبت لنفسي لأنها كتبت في لحظه ويظل القلم الحبر الأحمر الوحيد الذي وجدته عند البائع له ذكري جميله كلما أراه أتذكر الموقف والقصيده
..
هذا حال من يكتبون القلم والورقه أو الكيبورد طبعا أقرب الأشياء لهم فلتعملي علي ألا تتركيهم أبدا ولتكتبي ما يخطر علي بالك من مشاعر لأنها في النهايه ..... إحساس جميل أو موقف يستحق أن ندونه لنتذكره دوما
MAHMOUD FARAG :
انا هاكتب علشان زى ماقولت وقال كاسبر هاحسس باحساس حلو اوى وهو المشاركة
انى اشارك ولو بكتاباتى البسيطة ناس زيكم
موقف حلو اوى اللى حكيته
بس كويس انك ماكتبتش على الورق الممهم اللى كان معاك
:)
أنا أساسا مكنش معايا أي ورق
دي ورقه قديمه لاقيت ظهرها فاضي قلت أكتب فيه بدل ما الكلام يضيع في الهوا
سمعت أن محمد عبد الوهاب كان يسوق عربته وفجأه جاءه الإلهام بجمله لحنيه موسيقيه مميزه فبحث في العربه عن ورقه ولم يجد
فنزل من العربه وتوجه لجزار موجود بالشارع وطلب منه ورقة لحمه وكتب عليها جملته الموسيقيه .... لو لم يكن كتبها لنساها ... دي فايدة الورق ... حتي ورق اللحمه
ههههههههه
مش عارفة ليه جه فى بالى ان معاك ورق
هوس الورق تقريبا
يللا لحمة لحمة كله بفايدة
انا برضه كنت زيك يا هبة..بكتب في ورق من ايام اعدادي
بس من ساعة ما دخلت الكلية وانا بطلت اكتب مش عارفة ليه
بس الحمد لله رجعت للكتابة تاني
Snow Princess
كويس انك رجعتى
ماتبطليش كتابة
:)
Post a Comment
<< Home